Unicode
ချူးလျန်က နှင်းတောထဲမှာ ခိုက်ခိုက်တုန်နေရင်းနဲ့ လက်နှစ်ဖက်ကို ပိုက်ထားပြီး သူမ ရဲ့ မိုက်မဲလှတဲ့ ဆုံးဖြတ်ချက်ကြီးကို ပြန်တွေးနေမိတယ်။
ဒီတောင်တန်းကြီးတွေရဲ့ ဆောင်းဥတုက တကယ်ဘဲ စိတ်ပျက်စရာကောင်းလှတယ်၊ သစ်ပင်အကိုင်းအခက်ကြားက လေအေးတွေက သူမ ခန္ဓာကိုယ်ကို တဖျက်ဖျက်နဲ့ လာရိုက်ခတ်လို့နေတယ်၊ ဒီသဘာဝကြီးက သူမကိုယ်တွင်းက လက်ကျန် အနွေးဓာတ်လေးကိုပါ လာခိုးယူချင်နေတယ်၊နောက်ပြီး သစ်ကိုင်းတွေပေါ် နားနေတဲ့ ကျီးကန်းတွေရဲ့ အော်သံကြောင့် သူမ ကျောရိုးထဲကတောင် စိမ့်တက်လို့လာတယ်။
ဒီနေရာက ဘာသဘာဝရင်းမြစ်မှ မရှိတဲ့ မြောက်ပိုင်းဒေသဆိုတော့ အစားအစာ တစ်ခုတလေတောင် ရှာဖို့ မလွယ်လှဘူး။
ချူးလျန်က တောတွင်းမှာ အသက်ရှင်နေထိုင်ဖို့ နည်းလမ်းအချို့ကို တတ်သိနားလည်ထားပေမယ့် ဒီလိုမျိုး ကျောချမ်းစရာ ပတ်ဝန်းကျင်ကြီးကိုတော့ တခါမှ မတွေ့ကြုံဖူးဘူးလေ။
ချူးလျန်က မှိုင်းညို့နေတဲ့ တောအုပ်ကြီးကို ကြည့်ရင်းနဲ့ ခါးသက်သက်ပြုံးမိတယ်၊ သူမ တကယ်ဘဲ ဟိတ်ကြီးဟန်ကြီးနိုင်ခဲ့တာဘဲ၊ အပြင်က အခြေအနေက ဒီလိုကြီးမှန်း စောစောကတည်းက သိခဲ့ရင် သွေးနားထင်ရောက်တဲ့ စကားတွေ မပြောခဲ့ပါဘူး။
ဘယ်လိုဘဲဖြစ်ဖြစ် သူမက ထွက်လာပြီဆိုမှတော့ အကောင်းဆုံး ဆက်လုပ်ရုံဘဲ၊ ကံကောင်းရင် ထင်းရှုးသီးလေးတွေ တော့ ရလာနိုင်တယ်။
ဟေးချန်ဒီက ချူးလျန်အတွက် စိုးရိမ်နေတော့ သူမ ခြေရာနောက်ကနေ ထပ်ကြပ်မခွာလိုက်လာတယ်၊ ဒါပေမယ့် သူ ချူးလျန်ကို မမြင်ရသေးခင်ဘဲ ရင်းနှီးနေကျ အော်သံလေးကို ကြားလိုက်ရတယ်။
ဟေးချန်ဒီ မျက်လုံးတွေတောင် ကျုံ့သွားတယ်၊ သူက သူ့ ခန္ဓာကိုယ် အခြေအနေကိုတောင် အလေးမထားတော့ဘဲ အော်သံကြားတဲ့ နေရာဆီ အပြေးသွားလိုက်တယ်။
သူက ဒီပြသာနာပေးတတ်တဲ့ အမျိုးသမီး သစ်ရွက်ပုံခြောက်တွေကြားမှာ လဲကျနေတာကို မြင်မှဘဲ စိတ်ပူပန်မှုတွေ လျော့ကျသွားတော့တယ်။
YOU ARE READING
Transmigrator meets reincarnator (mmtranslation)
Historical FictionTitle: Transmigrator meets reincarnator Not my own story.Just translation. Credits to: Written by:Snow Mountain Mists Translated by:timebun, Premonition,Myst Edited by: renderedreversed Total-340chapters Start date-10.7.2021
