Transmigrator meets reincarnator (mmtranslation)

128

Unicode

ထန်းယန်လည်း ထိုင်ခုံမှ မှီထိုင်နေရင်းနဲ့ သူ့ရှေ့မှာ ငမ်းငမ်းတက်စားသောက်နေကြတဲ့ အစောင့်နှစ်ယောက်ကို ကြည့်နေမိတယ်၊ ပြီးမှ ထပ်ပြီး သည်းမခံနိုင်တော့တာနဲ့ သူ့ဆီ အာရုံစိုက်လာအောင် ချောင်းနှစ်ချက်လောက်ဟန့်လိုက်တယ်။

အစောင့်နှစ်ယောက်ကလည်း သူတိူ့ရဲ့
ယုန်သား‌ဟင်း‌အပေါ်မှာဘဲ အာရုံအပြည့်ရှိနေလေတော့ တယောက်မှ ခေါင်းမထောင်လာကြဘူး။

ထန်းယန် ခံစားချက်တွေ ပေါက်ထွက်လို့လာပြီ၊ ဆက်ပြီး မထိုင်နေနိုင်တော့ဘဲ ရှေ့က အစောင့်နှစ်ယောက်ဆီ လျှောက်သွားလိုက်တယ်။

ထန်းယန် အနားရောက်လာမှ အစောင့်တယောက်က ငဲ့လို့ကြည့်လာတယ်။

ထန်းယန်အတွက်ကတော့ အနံ့အရသာနဲ့ ပြည့်စုံနေတဲ့ ယုန်သားလေးတွေက သူ့ကို လာပါလာပါဆိုပြီး လက်ယပ်ခေါ်နေသလိုဘဲ၊ ဒါ့အပြင် ဒီအစောင့် နှစ်ယောက်ရဲ့ အားရပါးရ စားနေပုံကိုပါ ထပ်ပေါင်းထည့်လိုက်တော့ သူ့ဗိုက်ထဲ ပိုလို့‌ဆာလောင်လာတယ်၊ ပြီးတော့ ပန်းကန်ထဲ နည်းနည်းဘဲ ကျန်တော့တာကို မြင်တော့ မြန်မြန်ဘဲ ဖြတ်မေးလိုက်တယ် "အမျိုးသမီး ကျင်းယီ ပို့လာတာတွေက အရသာ ဘယ်လိုနေလဲ "

အစောင့်နှစ်ယောက်ကတော့ ခေါင်းညိမ့်ပြရုံဘဲ တတ်နိုင်တယ်၊ ပါးစပ်ထဲက အပြည့်အသိပ်ဖြစ်နေလေတော့ လက်မ နှစ်ဖက်စီဘဲ ထောင်ပြလို့လာတယ်။

ထန်းယန်ကတော့ ဒီအစောင့်နှစ်ယောက် ဒီလောက်တုံးအမှန်း နားမလည်နိုင်ဘူး၊ သူဘာကို‌ဆိုလိုချသ်နေလဲဆိုတာကို သူတို့တွေ မသိကြဘူးလယး။

"ဒါက ဘယ်လောက်တောင် အရသာရှိလို့လဲ"

အစောင့်တစ်ယောက်က ပါးစပ်ထဲ အပြည့်အသိပ်နဲ့ ဖြေလာတယ် "ခေါင်းဆောင် ၊ခေါင်းဆောင်က မင်းသားကျင်းနောက်ကနေ အမြဲလိုက်ရတာဆိုတော့ အစားကောင်းတွေ မကြာခဏစားနေရမှာဘဲ၊ ဒီဟော့ပေါ့အတွက်နဲ့တော့ ကျွန်တော်တို့နဲ့ တုပြီး မလုဘူးမလား၊ ပြီးတော့ ဒါက ခေါင်းဆောင် ကိုယ်တိုင် ကျွန်တော်တို့ကိုပေးထားတာနော် "

ထန်းယန်လည်း ဘယ်လိုပြန်ဖြေရမလဲ မသိတော့ဘူး၊ မျက်နှာတခုလူံးနီရဲလာပြီး ဒေါသထွက်ထွက်နဲ့ ကြိမ်းမောင်းလိုက်တယ်၊"မင်းတိူ့တွေက အမြဲ စားဖို့ဘဲ သိတယ်၊ ဘယ်လိုတောင် အစားကြူးတဲ့ ကောင်တွေလဲ၊ မြန်မြန်စားပြီး သွားကြတော့၊ တဲတစ်ခုလူံး အနံ့အသက်တွေနဲ့ ပြည့်နေပြီဆိုတာ မသိဘူးလား"