Unicode
ချူးလျန်က အစက ဒီလူရဲ့ ဆူပူကြိမ်းမောင်းသံကြောင့် တကယ်ဘဲ ကြောက်သွားခဲ့တာ၊အခုတခါ ထပ်ပြီး ခြိမ်းခြောက်ပြန်တော့လည်း လန့်ပြီး တလက်မလေးတောင် မရွှေ့ရဲဘူး၊ ခဏကြာတော့ ချူးလျန်သဘောပေါက်သွားတယ်၊ ဒီလူက အပြောကြမ်းပေမယ့် သူမကိုသက်သာစေချင်တဲ့ စိတ်လေးတော့ ရှိသားဘဲ။
သူမက သူ့ကို ဝိုင်းစက်ပြီး အပြစ်ကင်းတဲ့ မျက်ဝန်းလေးတွေနဲ့ စိူက်ကြည့်နေမိတယ်၊ချူးလျန်ဆိုတာက ကြင်နာမှုကို အလေးမထားတတ်တဲ့ သူမဟုတ်ဘူး၊သူက သူမကို ကူညီဖို့ ခြေတလှမ်းတိုးလာမှတော့ သူမ ထပ်ပြီး ငြင်းပယ်မနေတော့ဘူး၊ဒီတကြိမ် သူ့အကူညီကို ထပ်ငြင်းမိရင် မိုက်မဲရုံတင်မဟုတ်ဘူး သေမှာကို စောင့်နေသလိုပါ ဖြစ်သွားလိမ့်မယ်။
အခုချိန်မှာ သူတို့နှစ်ယောက်က တအား နီးကပ်လွန်းလို့ ဒီလူရဲ့ မျက်တောင် တချောင်းချင်းစီကိုပါ အသေးစိတ်မြင်နေရတယ်။
ယောက်ျားတယောက်က ဒီလောက်လှပြီး ရှည်တဲ့ မျက်တောင်တွေ ရှိဖို့ လိုလို့လား?
သူ့မျက်နှာ တဝက်လောက်က မုတ်ဆိတ်တွေနဲ့ ပြည့်နေပေမယ့် ချူးလျန်သေချာပြောရဲတာက ဒီအမွှေးတွေရဲ့ အောက်မှာ တကယ်ချောမောတဲ့ သွင်ပြင် ရှိမှာ အသေချာဘဲ၊ဘေးတိုက်ကြည့်နေရုံတင်ကို သူ့ရဲ့ ဖြောင့်စင်းနေတဲ့ နှာတံ အနည်းငယ် ဖြူဖျော့နေတဲ့ နှုတ်ခမ်းတို့က ချောမောမှုကို ပေးစွမ်းနိုင်တယ်။
ဒီမုတ်ဆိတ်တွေရဲ့ အောက်က မျက်နှာလေးကို ချူးလျန်တကယ်ဘဲ စိတ်ဝင်စားနေမိပြီ။
ချူးလျန် မလှုပ်တော့ဘူးဆိုမှ ဟေးစန်းလန်က ထိုင်ချလိုက်ပြီး သူမ ခြေကျင်းဝတ်မှာ ညှပ်နေတဲ့ သံထောင်ချောက်ကို ဖြေးဖြေးချင်း ဆွဲဖြုတ်နေတယ်။
သူ့မျက်နှာ အနေအထားက တချက်မပြောင်းသွားဘဲနဲ့ဟေးစန်းလန်က မေးလာတယ် "ဒီတော့ အခုကျ ယောက်ျားနဲ့ မိန်းမကြားက အကွာအဝေးတွေ ဘာတွေ ထပ်မပြောတော့ဘူးလား "
သူမရဲ့ ခြေထောက်ကို ငြင်ငြင်သာသာကိုင်တွယ်ပြီး ဖြုတ်ပေးနေလို့ ချူးလျန်ဒီလူအပေါ် ထားတဲ့ အထင်အမြင်ကောင်းတွေက ဒီမေးခွန်း တခုထဲနဲ့ ဖယ်ရှားခံလိုက်ရပြီ။
ČTEŠ
Transmigrator meets reincarnator (mmtranslation)
Historická literaturaTitle: Transmigrator meets reincarnator Not my own story.Just translation. Credits to: Written by:Snow Mountain Mists Translated by:timebun, Premonition,Myst Edited by: renderedreversed Total-340chapters Start date-10.7.2021
