(ZAWGYI)
Online မှ ချည်ထိုး၊စက်ချုပ်သင်ကာ ကလေးနှစ်ယောက်အတွက် ခြေအိတ်သေးသေးလေးများ၊အဝတ်ပိစိလေးများကိုလုပ်ပေးထားသည့်အတွက်ကြောင့် ပန်းမှူးမှာ ကြည်နူးနေရသည်။ ကလေးနှစ်ယောက်ကအနီရောင်လေးနှင့်အတော်လေးလိုက်ဖက်သည်။အနီနှင့်မှမဟုတ်။ တခြားအရောင်များနှင့်လည်းလိုက်ဖက်သော်လည်း အနီကတော့တောက်တောက်ပပဖြစ်နေ၍ ပိုလိုက်ဖက်သည်ဟုခံစားရသည်။
ချည်လုံးများကိုလည်း အန်တီလဲ့ကိုမှာထားခြင်းဖြစ်သည်။အိမ်တွင်အကူကောင်မလေးများက အမြဲတမ်း ဈေးသွားဝယ်ရသည့်အတွက် ပန်းမှူးက လူကြုံမှာလိုက်ခြင်းဖြစ်သည်။
အမြဲတမ်းကလေးထိန်းရင်းသာအချိန်ကုန်နေရသည်မို့ ပန်းမှူးလည်းအတော်လေးကို ပျင်းရိလာသလိုခံစားရသည်။ အခန်းထဲ၊အခန်းအပြင်ကိုသာထွက်ရပြီး ခြံပြင်လည်းထွက်မရပေ။
အမြဲတမ်း ပြေးလွှားကာ အလုပ်လုပ်ခဲ့ရသူမို့ ယခုလို ငြိမ်သက်နေရခြင်းက ပန်းမှူးကို မသက်မသာဖြစ်စေသည်။
ထို့ကြောင့် ပန်းမှူးသည် အန်တီလဲ့ကို အကူအညီတောင်းရန်ထွက်လာလိုက်သည်။ထုံးစံအတိုင်း အကူကောင်မလေးများအား ညွှန်ကြားနေသည့် အန်တီလဲ့က ပန်းမှူးကိုမြင်တော့ ပြုံးပြလေသည်။
"ဘာဖြစ်လို့လဲပန်းမှူး။ တစ်ခုခုလိုလို့လား"
ပန်းမှူးက ခေါင်းခါကာ အနီးနားဆိုဖာတွင် အသာဝင်ထိုင်လိုက်သည်။ထိုအခါ အန်တီလဲ့ကလည်းပန်းမှူး၏ ဘေးနားသို့လာထိုင်၏။
"မဟုတ်ဘူးဗျ။ အန်တီလဲ့ကို အကူအညီလေးတောင်းချင်လို့"
"ဘာမျာလဲ ပြောလေ ။ ချည်လုံးတွေကုန်သွားလို့လား ၊ ဖျင်စလေးတွေရောရှိသေးလား"
ပန်မှူးစက်ချုပ်သင်တုန်းကလည်း အန်တီလဲ့ကသာကူညီခဲ့သည်။ စက်ချုပ်စက်ကလေးကိုလည်းဝယ်ကာ တခြားလိုအပ်သည်များကိုလည်းအကူကောင်မလေးများနှင့်အန်တီလဲ့ကိုမှာခဲ့ရသည်။
သန်းခေါင်ကိုတော့မပြောဖြစ်ပေ။အခုရက်ပိုင်းသန်းခေါင်ကလည်း အပြင်ခဏခဏထွက်နေသေးသည်။ ကလေးနှစ်ယောက်ကိုတော့ အရင်ကထက်ဂရုစိုက်ပါသည်။သို့သော် အပြင်ကိုထွက်၊နောက်ကျမှပြန်လာတတ်၏။
