(ZAWGYI)
ပန်းမှူးသည် ခုတင်ပေါ်၌ လဲလျောင်းနေရင်း မျက်နှာကျက်ကို ကြည့်နေမိသည်။ အခန်းထဲ၌ အပြာရောင် မီးအလင်းရောင်သာရှိ၍ အနည်းငယ်လည်း တိတ်ဆိတ်နေသေးသည်။ထို့အပြင် ထူးဆန်းသော အနံ့များကိုလည်း ရှူမိနေသေးသည်။
သူသည် ဒီအခန်းထဲသို့ရောက်လာသည်မှာ၁ပတ်ကျော်ခန့်ရှိပြီ။သို့သော် ရက်အတိအကျကို သူမသိ။ အပြင်လည်းမထွက်ရ၊နာရီလည်းမကြည့်ရဘဲ ခုတင်ပေါ်၌သာအချိန်ပြည့်လဲလျောင်းနေရသည့်အတွက်အချိန်ကာလကိုလည်းသူမသိတော့ပေ။
ပန်းမှူးမှာ ခြေလက်မျာမှာ ခုတင်နှင့်တွဲချည်ခံထားရ၍ ထ၍မရ။ ထွက်ပြေးလည်းမရဘဲ တစ်ယောက်ပြီးတစ်ယောက်လာ စမ်းသပ်သမျှကို ငြိမ်ခံနေရသည်။သူသည် မည်သည့်အချိန်၌ သေဆုံးသွားမလဲကို တွေးရင်းကြောက်လန့်မိသည်။
သူ၏ သွေးသားလေးများကိုလည်း ထပ်မတွေ့ရတော့မည်ကို ကြောက်မိသည်။ကလေးနှစ်ယောက်မှာ သူ့အားမတွေ့၍ ငိုနေမလား။သန်းခေါင်မင်းထင်ကရော သူ့ကိုရှာနေမလားတွေးရင်း မျက်ရည်များသည် မျက်လုံးထောင့်မှ စီးလာကာ ခေါင်းအုံးပေါ်သို့ကျသွားလေသည်။
များစွာသော စမ်းသပ်မှုများကြောင့်သူသည်ကြာကြာမသက်ဆက်၍ရှည်နိုင်တော့မည်မဟုတ်။သူ၏ ကိုယ်အတွင်းမှထုတ်ယူသွားသော သွေးများ၊ရိုးတွင်းချဉ်ဆီများ၊သွေးဖြူအုများကြောင့် တဖြည်းဖြည်းသူသည် အားနည်းလာကာ ခံနိုင်ရည်လည်းကျဆင်းလာ၏။
သို့သော် ထိုသို့ဖြစ်သည့်အခါမျိုးတွင် အသက်အရွယ်အနည်းငယ်ကြီးသော လူက အနားရောက်လာကာ ပန်းမှူးကိုဆေးထိုးပေးလေ့ရှိသည်။ထိုဆေးထိုးပြီးလျှင် အမြဲတမ်း ပန်းမှူးမှာ အိပ်ပျော်သွားတတ်သည်။အိပ်မက်လည်းမမက်ဘဲ နှစ်နှစ်ခြိုက်ခြိုက် အနားယူရသည်။ထို့နောက် အချိန်အတော်အသင့်ကြာပြီးသောအခါ သူသည် ပြန်နိုးလာတတ်ပြီး ထိုသို့နိုးလာသည့်အခါ နာကျင်မှုများကို မခံစားရတော့ဘဲ လူကောင်းတစ်ယောက်လိုဖြစ်သွားတတ်သည်။
ထိုအချင်းအရာကို ပန်းမှူးအကြောက်ဆုံးဖြစ်သည်။ အနာပေးလိုက်၊ဆေးပေးလိုက်နှင့်သူအား နည်းမျိုးစုံစမ်းသပ်နေသည်ကို ခံနေရသည်မှာ အတော်လေးထိတ်လန့်စရာကောင်း၏။
