(ZAWGYI)
ထင်ထားသည့်အတိုင်းမနက်သို့ရောက်သောအခါ သန်းခေါင်မှာ အဖျားဝင်တော့သည်။ပန်းမှူးက အခြေအနေမေးရန် အခန်းဆီသို့သွားကာ မွေ့ရာပေါ်တွင် စောင်ခြုံကာခွေနေသည့်သန်းခေါင်ကြောင့် အံ့သြရသေးသည်။
အခုလိုဖြစ်မှာစိုး၍ ဆေးသောက်ခိုင်းတာကိုမသောက်ဘူးလားမသိ။ ပန်းမှူး စောင်ထဲခွေနေသည့်သန်းခေါင်ကိုကြည့်ကာ သက်ပြင်းချလိုက်သည်။ စားပွဲပေါ်ကြည့်တော့လည်း ဆေးတစ်လုံးကလျော့နေသည်။ဒါဆို ဆေးသောက်ထားပုံရသည်။ ဒါတောင်ဖျားသေးသည်ဆိုတော့ ပန်းမှူးစိုးရိမ်သွားရ၏။
အုပ်စိုးတောင်ဆေးသောက်ထားသည့်အတွက်မဖျားပေ။ လန်းလန်းဆန်းဆန်းရှိသည်။သို့သော် သန်းခေါင်ကတော့ ဖျားနေသည်မို့ ပန်းမှူးအနားသွားကာ ပေါ်နေသည့် နဖူးကို ဖွဖွစမ်းကြည့်လိုက်၏။
အပူချိန်က အနည်းငယ်ရှိသည်။တအားကြီးတော့မဟုတ်။ပန်းမှူးက မွေ့ရာဘေးနားထိုင်ကာသန်းခေါင်၏ ပါးပြင်နှင့်နဖူးကိုစမ်းလိုက်သည်။
"ဒဏ်ရာရှိန်ကြောင့်ထင်တယ် ။ အပူငွေ့နည်းနည်းရှိတယ်"
"အင်း"
သန်းခေါင်ကအိပ်မနေ။ အဖျားရှိန်ကြောင့်မှိန်းနေပုံရ၏။အရင်လိုလည်း ပြန်ခံမပြောနိုင်သောကြောင့် ပန်းမှူးလည်း စိတ်မကောင်း။ ပုံစံကြည့်ရသည်မှာ အတော်လေးခံစားနေရပုံရသည်။
ပန်းမှူးသည်သန်းခေါင်အတွက် စားစရာတစ်ခုခုလုပ်ပေးရန်တွေးလိုက်သည်။ဒီတိုင်းအိပ်နေလို့မဖြစ်။စားပြီးဆေးသောက်မှသာ အဖျားကပျောက်မည်။ သို့သော် အရှင်းဆုံးဆိုရလျှင်သူသည် ဆရာဝန်ခေါ်ချင်သည်။
ထို့ကြောင့်ပန်းမှူးက သန်းခေါင်၏ မျက်နှာကိုကြည့်ကာ
" ဆရာဝန်ခေါ်မလား။ ငါအန်တီလဲ့ကို သွားမေးပေးမယ်"
"မလိုဘူး"
"ဘာလို့လဲ ဆရာဝန်ခေါ်ရင် ခဏနဲ့ပျောက်မှာကို"
"ထားလိုက် မခေါ်နဲ့"
ခေါင်းမာလှသည့်သန်ခေါင်ကြောင့် ပန်းမှူးမှာ စိတ်မောလျက်သက်ပြင်းသာချရတော့သည်။ဘာကြောင့်မျာ ဒီလောက်ခေါင်းမာနေတာလဲနားမလည်တော့ပေ။ ဒဏ်ရာတွေကလည်းရှိနေသေးတာကို ပေါ့ဆနေသည်။
