وجوه خادعة (للقدر آراء أخرى ج٣)

اقتباس😘

اقتباس في الخمسايه 😂(مكتوب في 5 دقايق يعني )😂
_ليل استني أنتِ رايحه فين ؟
هتف بها " حازم" الذي يحاول الاحق بها ما إن رآها تخرج من فيلا" الصياد " وهو قد جاء لرؤية " آدم "
توقفت بضجر وهي تلتفت له بضيق قائله:
- نعم يا حازم !
تسائل باستغراب وهو يطالع ملامحها الواجمه :
- أنتِ رايحه فين؟
زفرت بضيق :
- رايحه لحياه اقعد معاها شويه .
قطب حاجبيه باستنكار مردداً:
- حياه اي دلوقتي ؟ أنتِ هتسيبي آدم لوحده وتروحيلها!
لوت فمها بسخط قائله :
- نعم؟! هو لوحده في البيت ماهو اهله معاه !
زم شفتيه باستغراب لطريقتها وقال:
- اي أهله دي؟ وبعدين أنتِ مراته يعني مفيش غني عن وجودك جنبه في الفتره دي.
ابتسمت ببرود قائله :
- لي هو أنا مقولتلكش !
- قلتيلي اي؟
قالها بقلق من طريقتها وملامحها التي رغم برودها تبشر بشئ سئ علي وشك الحدوث .

بنفس الابتسامه ونفس النبره البارده قالت:
-انا وآدم هنطلق...
اتسعت عيناه بذهول مردداً بصدمه :
-نعم يا أختي! ده لي إن شاء الله.
تنهدت بعمق قائله :
- شكلنا اتسرعنا ياحازم, او خليني اقول ان انا اللي اتسرعت كان لازم أخد وقت أطول من كده عشان افكر صح بعلاقتي ب آدم وأحسبها من كل الجهات بس أنا اللي غلط ومحسبتهاش ومشيت ورا مشاعري.
هتف "حازم " ومازال الذهول مسيطر عليه :
- ايوه وأنتِ جايه تكتشفي ده بعد أكتر من تسع سنين وبقي معاكوا ولاد .
تلفتت حولها بضيق مردده:
- اهو اللي حصل بقي .
- بتدوري علي اي؟
- طالبه أوبر بس شكله لسه موصلش.
- لي وعربيتك ؟
صمتت قليلاً ثم قالت :
- لا مصدعه مش قادره أسوق .
- خلاص تعالي أوصلك هتركبي أوبر وأنا موجود .
تمتم بالأخيره بمرح فابتسمت له بلطف ولكن اندثرت ابتسامتها حين قال:
- ليل اهدي وفكري في موضوع الطلاق تاني , أنتِ كده بتدمري حياتك لتاني مره.
نظرت له بصمت دام لثواني ومن ثم قالت بشرود:
- تفتكر لو كنت عطيت" زين" فرصه تانيه كان ممكن حياتي معاه تبقي أحسن؟
توحشت نظراته وتغيرت ملامح وجهه وقال بحده :
- ده اسمه عك اللي بتقوليه ده وميصحش حتي تفكري فيه , انتِ متجوزه دلوقتي وحتي لو فكرتِ أو قررتي تطلقي ميحقش لكِ تفكري في جوزك الأولاني وأنتِ لسه علي ذمة آدم , اهدي وفكري في كلامك عشان شكلك خرفتي.
أنهي حديثه واستدار متجهاً نحو الداخل فهتفت باستغراب :
- أنت رايح فين مش هتوصلني؟
التف نصف التفاته وقال بسخريه :
- استني أوبر بقي .
شهقت بغضب قائله :
-ماشي ياحازم افتكرها .
#ناهد_خالد
#سلسلة للقدر آراء أخري
#نوفيلا تكميليه