49

8.6K 694 198
                                    

တစ်စုံတစ်ယောက်ကို စောင့်မျှော်နေရတဲ့ ဝေဒနာက ဘာလဲ လို့ မေးလာခဲ့ရင် သူ လို လူက ဘာမှ သေချာပြန်ဖြေနိုင်မှာမဟုတ်ဘူး ။ သူ့နှလုံးသားလေးက ခက်ထန် ဆိုတဲ့ ယောက်ျားတစ်ယောက်ကို စောင့်မျှော်နေရလွန်းလို့
အဆုံးမရှိအောင် ထုံကျင်လွန်းနေပြီမို့.... ။

ထည်ဝါလင်းရှိန် က အိပ်ပျော်နေတဲ့ ခက်ထန် အနားမှာ နေ့ညမပြတ် စောင့်နေခဲ့ရှာတယ် ။ တစ်ရက်ရက်တော့ ခက်ထန် သူ့ကို ထကြည့်တန်ကောင်းပါရဲ့... ။

၂လသား ကလေးလေးရဲ့ သရေလေးများက
အိပ်ပျော်နေတဲ့ ဖခင်ရဲ့ လက်ပေါ်မှာ ရွှဲရွှဲစိုလို့။
သူ့ဖခင်က စာနာစိတ် ကင်းမဲ့စွာ တချက်တောင် ထကြည့်မလာခဲ့ဘူး ။

ပိတ်ကျနေသော မျက်ခွံမို့မို့လေးများကို ကာကွယ်ထားတဲ့ မျက်တောင်ရှည်လေးများက နက်မှောင်စွာ အကြင်နာတရားကင်းမဲ့မှုကို ဖော်ပြသည် ။ တချက်လေးတောင်မှလေ.. တချက်လေးတောင် သူ့မျက်တောင်လေးတွေက လှုပ်ခတ်သွားခြင်း မရှိလေဘူး ။

" မင်း နားလိုက်ပါလား ထည်ဝါရယ်!  ကြာရင် မင်းပါ လဲသွားလိုက်မယ် ။ ကလေးတွေအတွက် မင်း သန်မာနေမှ ဖြစ်မယ်လေ ကွာ "

ရိုင်နာ့  လက်တို့ဟာ ထည်ဝါလင်းရှိန် ပခုံးသားများကို ဆုပ်ကိုင်ကာ အားပေးလျက်ရှိသည် ။ မျက်လုံးရှည်လေးတ၀ိုက်သည် အညိုရောင်သန်းနေကာ မျက်သားတို့က နီရဲတွတ်နေတော့၏ ။

ဘယ်လောက်တောင် ငိုထားလိုက်သလဲ ထည်ဝါလင်းရှိန်! 

" သူ့ ငါ့ကို မချစ်ဘူး "

ခက်ထန် ခွဲစိတ်ပြီး ၁ပတ်ကြာသည့်အချိန်၌ ထည်ဝါလင်းရှိန် ပထမဆုံး ပြောလာသည့်စကား.. ။
လသားအရွယ် နီတာရဲလေးနှစ်ကောင်ကို ထည်ဝါလင်းရှိ်န်က ခက်ထန် ဘေးနှစ်ဖက်တွင် တစ်ကောင်စီ ချထားသည် ။

" ကလေးတွေ ပြုတ်ကျနေမယ် "

ရိုင်နာ စိတ်မရှည်စွာ သတိပေးလိုက်၏ ။

" ကုတင်က အကျယ်ကြီးပါ ။ သူတို့ မလှုပ်ပါဘူး ။ နှစ်ယောက်လုံး အိပ်နေကြတယ် ။ "

အမူအရာတို့က တည်ငြိမ်ဟန်ဆောင်ထားသော်လည်း သူဟာ အသံတို့ တုန်ရီနေသည် ။ သူ့မျက်လုံးများသည် အသက်မဲ့စွာ လဲလျောင်းနေသူ၏ မျက်နှာလေးပေါ်၌သာ တည်ရှိ၏။ ရိုင်နာ့ ကို ပြန်ဖြေနေချိန်တောင် မော့ကြည့်မလာ။ သူ့မျက်လုံးများက ခက်ထန် ဆီ၌သာ ရှိ၏ ။

You are my husband (Season 1)Completed  Where stories live. Discover now