Your Majesty is annoying (Myanmar Translation)

အပိုင်း (၆၃)

{Unicode}

"မဟုတ်သေးဘူး၊ ငါ နယ်စားမင်းကရစ်ခ်နဲ့ တွေ့မယ်လို့ အရှင့်ကို ပြောထားတယ်"

"အရှင်မင်းကြီးက အရှင်မကို အခေါ်လွှတ်လိုက်တယ်ဆိုရင် အရှင်မ သွားသင့်ပါတယ်"

ဘုရင့်ဆီ ချစ်ခင်မြတ်နိုးမှုကို ရနေတယ်ဆိုတဲ့ ကောလဟာလတွေကို အတည်ပြုရန် တွေ့ခွင့်ရဖို့ ကြိုးစားခဲ့တယ်ဆိုပေမဲ့ သူ့မျက်လုံးနဲ့ တပ်အပ်ကြီးမြင်ရမယ်လို့ မထင်ခဲ့ချေ။

မဟုတ်ဘူး၊ ဒါကရော မယ်ဒီရာ လုပ်ကြံထားတာပဲလား?

ထို့နောက် နယ်စားမင်းက မယ်ဒီရာ့အမူအရာကို အကဲဖြတ်ချိန်မှာပဲ အခန်းထဲကို လူတစ်ယောက်ဝင်လာသည်။

"အရှင်!"

"အရှင်မင်းကြီးကို နှုတ်ခွန်းဆက်သပါတယ်"

သူ့ကို ကြည့်နေတဲ့လိုင်လ်ကို နယ်စားမင်း ကရစ်ခ် ချက်ချင်း ဒူးညွှတ်အရိုအသေပေးလိုက်ပြီး နှုတ်ဆက်လိုက်သည်။ သူတို့ တွေ့ဆုံပွဲထဲ ဝင်ရောက်လာတဲ့ လိုင်လ်က မျက်နာသေနဲ့ နယ်စားကို တချက်ကြည့်ပြီးနောက် မယ်ဒီရာ့ဘက်လှည့်သွားသည်။

ထိုအချိန်မှာပဲ လိုင်လ့်ရဲ့ မျက်နှာ အမူအရာပြောင်းလဲသွားတာကို နယ်စားမင်း ရှင်းရှင်းလင်းလင်းမြင်လိုက်ရသည်။ သူ့ရဲ့ ခပ်တောင့်တောင့်အမူအရာက ပြေလျော့သွားပြီး သူ့ရဲ့ အနီရောင် မျက်ဝန်းတွေထဲ မြတ်နိုးဟန်တွေ ဝင်ရောက်လာပုံက ပို၍ ငယ်သွားစေသည်။ ဒီပုံစံက နယ်စားမင်းဘဝတလျှောက်လုံး မမြင်ဖူးခဲ့တဲ့ ဘုရင့်ပုံစံဖြစ်သည်။

"အရှင် ဘာလို့ ဒီထိရောက်လာတာလဲ?"

ရှက်ရွံ့နေရင်းပင် မယ်ဒိီရာ မေးလိုက်သည်။

လိုင်လ် မယ်ဒီရာ့နား မတ်တပ်ရပ်လိုက်ပြီး နယ်စားမင်းကို အကဲခတ်လိုက်သည်။ သူ မသိလိုက်ပဲ မယ်ဒီရာက ကွာရှင်းဖို့ အကြောင်းစကားဆိုမှာ သူစိတ်ပူသည်။

အစကတော့ မယ်ဒီရာနဲ့တွေ့ခွင့်ရဖို့ နယ်စားရဲ့တောင်းခံလွှာကို လစ်လျူရှူပြီး ငြင်းဆိုဖို့ ကြံစည်ထားခြင်းဖြစ်သည်။ သို့သော် နယ်စားမင်းက မယ်ဒီရာ ဘာအပြစ်လုပ်မိလို့ ပြစ်ဒဏ်ချထားခံရသလဲဟု အသနားခံစာ တင်သွင်းချိန်တွင်တော့ သူ့ကို တွေ့ခွင့်ပေးရုံကလွဲပြီး တခြားရွေးစရာ လမ်းမရှိတော့ချေ။