{Unicode}
သူမကို ချက်ချင်းလာဖို့ ပြောထားပေမဲ့ သူမ လေ့ကျင့်ရေးဝတ်စုံပြည့်နဲ့ ရောက်လာဖို့တော့ လုခ် လိုလားမည်မထင်ပေ။ စီရီရာ သူမအခန်းဆီ သက်ပြင်းမောတချက်နဲ့အတူ တက်လာသည်။ ဆက်ခံသူ နယ်စားလေးက ဘယ်လိုများ သူမရဲ့ ကြွက်သားတွေ ဖြေလျော့ဖို့ နည်းလမ်းကို သင်ပေးမှာလဲ? တခြားအကြောင်းရင်းများ ရှိနေမလား သူမတွေးမိလိုက်သည်။
စီရီရာက သူမအစ်ကို အိုင်ယန် နေရာ ဝင်သရုပ်ဆောင်နေခြင်းဖြစ်သည်။ ယောကျာ်းတစ်ယောက်အနေနဲ့ သိထားတဲ့ သူမသာ နယ်စားလေးရဲ့ အခန်းကို သွားဖို့ ငြင်းဆန်နေရင် သံသယဝင်စရာ ကောင်းပေလိမ့်မည်။
[တခုခုကို သတိထားမိသွားတာတော့ မဟုတ်ဘူးမလား? မဖြစ်နိုင်ဘူး... ငါတော့ မထင်ဘူး]
စီရီရာ သူမရဲ့ ဝတ်စုံကို ခပ်မြန်မြန်ချွတ်ကာ အခန်းထဲက ထွက်လာသည်။ ချပ်ဝတ်တန်ဆာကို ဒီတိုင်း ထားမည့်အစား ပွတ်တိုက်သင့်ပေမဲ့ လုခ်ကို ဒီထက်ပိုစောင့်ခိုင်းလို့ မဖြစ်ပေ။ စီရီရာက လေ့ကျင့်ရေးကို နေ့စဉ်နေ့တိုင်း အချိန်မှန်ပြီးဆုံးတာမို့ လုခ်က သူမကို စောင့်နေလေပြီ။
အစေခံတစ်ယောက်ရဲ့ အကူအညီဖြင့် စီရီရာ လုခ့်အခန်းရှေ့ ရောက်လာသည်။ သူမ တံခါးကို ဂရုတစိုက် ခေါက်လိုက်သည်။
ဒေါက် ဒေါက်...
"...ဝင်လာပါ"
စီရီရာ ဝင်လာတာနဲ့ ပြတင်းပေါက်ဘေး ထိုင်နေတဲ့ လုခ်က စာအုပ်ကို ချကာ ထလာသည်။
"ခင်များ ရောက်လာပြီ"
"လေ့ကျင့်ရေး ပြီးတာနဲ့ ကျွန်ုပ် ချက်ချင်းလာခဲ့တာ... တကိုယ်လုံး ချွေးနံ့တွေ နံနေတာ... အရင် သန့်ရှင်းရေး လုပ်ရင် အဆင်ပြေမလား?"
လုခ် ဘာမှ မဖြေပဲ စီရီရာ့ကို ကြည့်လိုက်သည်။ ချွေးစိုနေတဲ့ ဆံနွယ်တွေ သူမအသားပေါ် ကပ်ငြိနေပုံက သူ့မျက်လုံးထဲ ထူးဆန်းစွာ ဆွဲဆောင်မှု ရှိနေလေသည်။
"အရေးမကြီးဘူး၊ ခဏဆို ပြီးသွားမှာပဲ၊ ဒီကို လာထိုင်"
လုခ်က ကြမ်းပေါ်က ကောဇောဆီ လက်ညိုးညွှန်လိုက်သည်။ ကုတင်ပေါ် ထိုင်ဖို့ အမိန့်မပေးတာအတွက် စီရီရာ စိတ်သက်သာရာ ရသွားသည်။
YOU ARE READING
Your Majesty is annoying (Myanmar Translation)
RomanceI am not the original publisher of the story. This is just a fan translation.