Your Majesty is annoying (Myanmar Translation)

အပိုင်း (၈၀)

{Unicode}

အခြွေရံတွေ ပြင်ပေးတဲ့ မနက်စာကို စားရင်း ဝတ္ထုဇာတ်ကြောင်းကို မယ်ဒီရာ တွေးတောလိုက်သည်။

ဝတ္ထုက မမှတ်မိနိုင်လောက်အောင်ကို ပြောင်းလဲ သွားခဲ့လေပြီ။

ဝတ္ထုအစက ဧကရီဘုရင်မ မယ်ဒီရာရဲ့ စျာပနပွဲနဲ့ အိုင်ယန်ရဲ့ သေဆုံးခြင်းနဲ့ အစပျိုးခဲ့သည်။

မယ်ဒီရာရဲ့ စျာပနပွဲက ဝတ္ထုရဲ့ ဆုံချက်ဦးတည်ရာ မဟုတ်ပဲ နိုင်ငံတော်အဆင့်စျာပနပွဲကျင်းပပြီးနောက်ရက်မှသာ ဇာတ်ကြောင်းက စတင်ခဲ့ခြင်းဖြစ်သည်။

ထို့နောက် အိုင်ယန် အသတ်ခံရပြီး အိုင်ယန့်ရုပ်အလောင်းကို သူမနာမည်အောက် မြုပ်နှံခဲ့ကာ စီရီရာက သူမအစ်ကို ဟန်ဆောင်ကာ မြေနေရာကို အုပ်ချုပ်ခဲ့သည်။

ဆောင်းဦးနှောင်းပိုင်းနဲ့ ဆောင်းရာသီကို ထိုကဲ့သို့ ဖြတ်သန်းပြီးတဲ့နောက် နွေဦးအစမှာ သူမရဲ့အိမ်တော်ကို စစ်ဆေးဖိူ့ ရုပ်ဖျက်ထားတဲ့ လိုင်လ့်ကို ကူညီရင်း သူ့ရဲ့ မျက်စိကျခြင်း ခံခဲ့ရသည်။ လိုင်လ်က သူ့ရဲ့ ဧကရာဇ်ဂုဏ်ပုဒ်ကို ဖုံးကွယ်ထားကာ သူရဲကောင်းရွေးချယ်ပွဲကို တက်ရောက်ဖို့ စီရီရာ့ကို အကြံပြုခဲ့သည်။

စီရီရာက သူမဦးလေး ပြန်အစပျိုးလာတဲ့ ခြိမ်းခြောက်မှုတွေကို ရှောင်တိမ်းတဲ့ အနေနဲ့ မြို့တော်ဆီ တက်လာပြီး သူရဲကောင်းရွေးပွဲ ဝင်ခဲ့သည်။ အရည်အချင်းစစ်ပွဲကို ထိပ်ဆုံးအဆင့် ဂုဏ်ထူးနဲ့ အောင်မြင်တဲ့ စီရီရာက လိုင်လ့်ရဲ့ ကိုယ်ရံတော် သူရဲကောင်း ဖြစ်လာခဲ့သည်။ တချိန်တည်းမှာပင် တခြားတိုင်းပြည်က မင်းသမီးတပါးပေါ်လာပြီး သီးခြားနန်းတော်တခုမှာ နေထိုင်ကာ လိုင်လ်နဲ့ တိုက်ရိုက် စကားဆိုခဲ့သည်။

လိုင်လ်က တော်ဝင်မျိုးနွယ်တွေကို ထိန်းသိမ်းဖို့ နောက်ထပ် ဧကရီတင်မြှောက်မည့်သူ ရှာနေဟန်ဆောင်ခဲ့ကာ အခြေအနေကို ချုပ်ထိန်းထားသည်။ ထိုအတောအတွင်း စီရီရာက မိန်းကလေးမှန်း သူသိလိုက်ရကာ ချစ်ကျွမ်းဝင်ခဲ့သည်။

[ငါက အသက်ရှင်နေတာဆိုတော့ ဒါတွေ မဖြစ်တော့ဘူးလား?]

ဝတ္ထုဇာတ်ကြောင်းက နောက်ထပ် တင်မြှောက်ရမဲ့ ဧကရီဘုရင်မဇာတ်သွားအပေါ် ကျောရိုးယူထားခြင်းဖြစ်သည်။