အဆိပ်ရှိသောကျေးလက်က 'ကြင်ယာတော်'

𝐂𝐡𝐚𝐩𝐭𝐞𝐫 𝟖𝟗

☘️ ငါ ကတိပေးတယ် ငါ မင်းကို ဘယ်တော့မှ စိတ်မပျက်စေရဘူး (2) ☘️

"လာခဲ့လေ.....မင်းဘယ်ကနေ မေးခွန်းတွေအများကြီးရလာတာလဲ ?"

ထထိုင်ရန် သူ့ခန္ဓာကိုယ်ကို တွန်းတင်လိုက်ပြီး လင်းဂျင်ရွှမ်က သူ့ကိုအပြုံးတစ်ဝက်ဖြင့် ကြည့်လိုက်သည်။ ဒီလူက ဘယ်လိုရှင်းရှင်းလေးနဲ့အရမ်းချစ် စရာကောင်းလိုက်တာ။ သူ့မျက်နှာပေါ်မှာ သူ့အပေါ် စိတ်ဝင်စားနေကြောင်း အပြည့်ရေးထားတယ်။ သူ့ကိုဘယ်နေရာက အရမ်းဆွဲဆောင်နေတာလဲ ??  သူအတိတ်မမေ့ခင်မှာ သူ့အပေါ်ဒီလို ခံစားချက်မျိုးရှိနေသေးလားဆိုတာတော့ သူမသိခဲ့ပါဘူး။ ဖြစ်နိုင်တာကတော့ မဟုတ်လောက်ဖူး။ သူကသာ တကယ် မင်းသားရှန်းဆိုရင် Come On ! မဖြစ်နိုင်ဘူး သူက နတ်သမီးတမျှအလှလေးတွေကို မြင်ဖူးခဲ့ပြီးသားပဲ။ သူ့ရှုထောင့်ကနေကြည့်ရင် သူကဒီလိုလူကြီးပဲ Ok ? 

လင်းဂျင်ရွှမ်က သူလုံးဝ ဂရုမစိုက်တဲ့သူအ‌ပေါ် သူ့ရဲ့စူးစမ်းချင်စိတ်တွေ တဖြေးဖြေးတိုးလာနေမှန်းတောင်သတိမထားလိုက်မိဘူး။ ဆက်ဆံရေးတစ်ခုကများသောအားဖြင့် စူးစမ်းချင်စိတ်ကနေစတင်ကြ သည်။

"ဂျင်ရွှမ် ငါ့ကို မင်းကိုကာကွယ်​​ပေးခွင့်ပြုပါ မင်းနဲ့က​လေး​တွေကိုကာကွယ်ပေးခွင့်ပြုပေးပါ !!"

စိတ်အားထက်သန်စွာဖြင့် သူ့လက်ကိုဆုပ်ကိုင်လိုက်သည်။ ရန်ရှန်းလွေ့သည် ကုတင်အစွန်းတွင်ထိုင်ကာ အနက်ရောင်မျက်လုံးများဖြင့် သူ့အကြည့်များကို သူ့ထံသော့ခတ်ထားခဲ့သည်။ လင်းဂျင်ရွှမ်သည်ထိုနေရာတွင် အေးခဲသွားပြီး သူ့ထံမှ လက်ကိုဆွဲယူရန်ပင်မေ့သွားခဲ့သည်။ ခဏကြာတော့ မျက်လွှာချပြီး လေးလေးနက်နက်ပြောခဲ့သည် ။

"ကိုယ့်ကိုကိုယ် ကာကွယ်နိုင်တယ်၊ တခြားသူတွေကို ကာကွယ်ပေးဖို့မလိုဘူး"

ယောက်ျားတစ်ယောက်ရဲ့ မျက်နှာပြောင်တိုက်တဲ့ချစ်ခင်မှုကို မျက်နှာချင်းဆိုင်ပြီး မထိမိဘူးလို့ပြောရင်လုံးဝလိမ်ညာနေတာပဲ။ ဒါပေမယ့် ... အရင်ဘဝက သူဘယ်သူ့ကိုမှ မယုံကြည်ဖူးဘူး။ ပေါင်မုန့်လုံး လေးတွေနဲ့တခြားမိသားစုကိုလက်ခံရတဲ့အကြောင်း ရင်းကတော့ သူ့နှလုံးသားထဲမှာ မိသားစုရဲ့ချစ်ခင်မှုကိုတောင့်တနေခဲ့တဲ့အပြင် လင်းချန်းလုံနဲ့ တခြားသူတွေက သူ့ကိုတကယ်ဂရုစိုက်တာကြောင့်ပါ။ ဒါပေမယ့်ပေါင်းသင်းဆက်ဆံရေးနဲ့ ပတ်သက်ပြီးတော့ သူ့ရဲ့လက်ခံနိုင်မှုဟာ သိပ်ပြီးမမြင့်မားသေးပါဘူး။