وقف يتجه ناحية البيت إلا انه وقف للحظة : قول لها انها بتبدأ دراسها من الاحد وبالتخصص الي تبيه ، برسلك المعلومات انت علمها كل شي
_
~الظهر~
كانوا البنات يتجهزون متوجهين ناحية بيت آل بدر لأن عندهم طقوس كل جمعه يتجمعون ببيت جدهم مايرجعون إلا اخر الليل
نزلت ورد وهي تعدل بلوفرها البيج مع جينز اسود : صباح الخير
ضحكت ديم تمر من جنبها : مساء الخير يا ورد
ابتسمت تدخل يدها بجيبها الخلفي : وين عمه؟
ابتسمت اريج تنزل من خلفها وهي جاهزه : هنا يا عيون عمتك
قبّلت خدها وهي تاخذ شنتطها للكنب : بنمشي الحين؟
هزت راسها بالموافقه وهي تدور بعينها على البنات تشوف اذا كاملين : يلا؟
وقفت ليال وهي تأشر بمفتاح سيارتها : مين معي ومين مع عيال عمه اريج؟
ابتسمت ورد من قالوا البنات انهم رايحين مع ليال
بس هي بتروح مع اخوها الي قال لها ابيك تجين معي بقولك كلمة راس
مشوا كلهم وهي جلست على الكنب تنتظر نزول سيف الي تأخر ، وقفت من شافته ينزل إلا انها شهقت بخجل من كان أدهم الي عقد حاجبه من شافها وكأنه ما استوعب ، رفعت الطرحه تغطي شعرها واخذت الطرحه بالعرض ترميها على وجهّا الا ان الطرحه كلها طاحت وانحنت تاخذها بخجل واحراج وترميها على وجهّا مره ثانيه وهي تحس بالخجل يتمكن منها
