إلا ان ملامحها ارتخت من شافت كثير من فساتين العرايس البيضاء بوسط الصالة الكبيره و كيف كل الاناره خافته إلا فوق الفساتين ، لفت له بذهول: غلطنا؟
نفى بأبتسامه : لك
رجعت نظرها للفساتين بصدمه و اشرت : لي؟ ليه؟
دخل خلفها يسكر الباب و شافها تتوجه تتلمّس الفساتين بذهول واضح بـ عينها و بهدوءها و لانها ما استوعبت سببه : ما عرفتي ليه؟
لفت له و ابتسم بهدوء من شاف الدموع متحجره بعيونها دليل على استيعابها بهاللحظة : اختاري الي تبين كله لك
غطت وجهّا تجهش بكي وهي تشهق : ما اقدر للحب كذا ما اعرف !
قرب منها يحضنها يقبّل راسها : تعرفين تقدمين الحب بس ماتعرفين تستقبلينـه؟ نعلمك بس لاتبكين
رفعت كتفها بعد مقدره وهي تحشر و جهّا بصدره ، ابعدها يحاوط وجهّا : اسمعيني الحين جهزت لك زواج يسعد قلبك و روحك لانك تستاهلين كل خير و الميكب آرتست جاهزين و كل شي جاهز اهدي الحين و ابتسمي خليني افرح معك
مسحت دموعها بأبتسامه : كيف اقدر اعبر لك؟
تنحنح يشتت نظره : تعرفين بس تسوين نف
قاطعته من ارخت يدها على صدره تساعد نفسها للوصول له تقبّله ما توقعها تسويها بس كل مره تصدمه ، حاوط خصرها يشدها له يقبّلها بتعمق لدرجة انحناء ظهرها و ابعد ياخذ نفس : الله يصبرني
ابتسمت بخجل و تركها يبعثر شعره : انا عند اهلي تحت اذا تبين شي كلميني
هزت راسها بـ زين و خرج وهو يتنحنح : الله يستر
كتموا البنات ضحكتهم لانه تأثيرها ما زال موجود رغم انهم ما شافوا شي لانه سكر الباب بس عرفوا وش صار من ثقله الي تركه عندها و خرج يتنحنح يلملمّه
_
كانت تشوف و تتأمل كل شي بأنبهار هي عرفت انها تزوجت من شخص عظـيم و ما يتكرر ابدًا..
حبه حنانه ابتسامته تأمله حركاته ذوقه شخصيته كل شي فيه يلفت للانتباه حتى عصبيته و غضبه كل شي حلو يظهره لها إلا غضبه و عصبيته يحاول قدر الأمكان يبعدها عنها يتركها تعيش معه كل شي حلو بعيد عن الغضب و غيره عقدت حاجبها من دق الباب : مين؟
صرخوا البنات كلهم : احنا
فكت الباب بأبتسامة استغراب : وش جابكم؟
ديم : شسويتي بأخوي اعترفي !
أنهار : طول وقته يتنحنح يمكن حلقه وجعان؟
غسق : اعترفي ورد شصار؟
ليال : صح كلام أنهار يمكن تعبان ما تسوي شي ورد لطيفه
جمان : ثقله بح يا اختي الابتسامه شاقه وجهه تأثيرك قوي وش مسويه؟
هي كانت موسعه عينها بذهول لانهم كلهم يتكلمون بنفس الوقت و بحماس شديد : يا ويلي شفيكم !
صغرت غِيم عينها : وراك ما تجاويبن؟
ورد بغرور : اسرار زوجيه
شهقوا كلهم بصدمه : ولله سوت شي
هذي كانت جملة ليال المصدومه و سرعان ما توردت ملامح ورد من جملتها الي ما استوعبتها : شدخلكم اننم مو شغلكم
ابعدت ديم طريق للموظفات : يلا كلنا بنكمل ورد بصورك سريع
كانوا يشغلون اغاني و يرقصون و ياكلون و الي تسوي اظافرها و الي تتمكيج و الي تصور و الي تجهز اغراضها
_
كان أدهم بغرفة سيف : ايه؟
سيف : ولله حتى سطام اختفى معهم
عض أدهم شفته : هو ذا المشكلة ما يعرف له إلا نواف خلني اكلمه
وقف مع أدهم من وقف : ماشي؟
اخذ اغراضه : تعال بنحصلهم باللوبي مجتمعين هناك ولا بالجلسات الخارجية
ابتسم سيف : يا عريس روح تصلح
نفى بأبتسامه : كل شي جاهز و الحلاق جاي بعد شوي
_
مر الوقت و انتهت ورد من كل شي و لفت تشوف نظرات البنات لها : ماشاء الله تبارك الله انتِ مره جميله
هذي كانت جملة الميكب آرتست : يعني ما احتجنا نخفي عيوب كثير
ابتسمت ورد بخجل : شكرًا مره
ابتسمت لها الموظفة تشيل اغراضها مع صديقاتها كلهم
و غطت ديم فمها : بشويش على اخوي طيب
غِيم : حصني نفسك و خفي على أدهم ولله مانحصله بعدين وين أدهم عند ورد مثل عمي
غسق : صح وينها اسراء؟
جمان : كلمتها قبل شوي تقول توهم وصلوا
ليال بحب : ورد الحين بتنزفين؟
هزت راسها بإيه : الساعه كم؟
أنهار : سبعه و نص يلا البسوا
الكل تفرق يلبس و يخلص اخر لمساته اما هي جلست قدام احد الفساتين الي دخلت قلبها وهي تلف لـ ورد الي ما راحت و جلست تصورها : اخذتي دور المصوره؟
ديم بحب : اجمع لـ أدهم
ضحكت ورد بذهول : ولله !
تنحنحت ديم توقف بجنبها : اخترتي هذا؟
هزت راسها بإيه تلف انظارها للفستان : احلى واحد صح؟
هزت راسها بإيه : ولله كلها حلوه هذي هي الحيره الحلوه الي تختارينه حلو و بيطلع احلى عليك
ابتسمت بخجل وهي تتلمسه : تساعديني؟
ديم : اكيد
_
~غرفة اريج و رماح~
