كانت دقايق و بعدها انطفت كل الانوار تتوجه لـ مكانها هي تبدأ تنزل الدرج على زفتها ، شدت على مسكتها وهي تنزل بخطوات هاديه تتوجه لـ الكنبه الي تتوسط القاعه تجلس عليها و تشوف المصورات بكل مكان و المُساعدات الي يعدلون لها فستانها يصورونها ، و ابتسمت بتوتر من دخل زياد يعدل بشته يتوجه لها و على ثغره ابتسامة انتصار و ابوها و اخوها خلفه يبتسمون لها بهدوء
وقفت بأرتباك من تقدم هو يحاوط وجهّا يقبّل راسها لـ ثواني طويله وسعت عينها بذهول لأنها تخجل بـ وجود ابوها و اخوها و كل الموجودين ، عض شفته من قرصته بكتفه يتركها و فعلًا ابعد يوقف بجنبها يشوف عمه الي قبّل خدينها و بعدها راسها يهمس : تعرفين ولا يحتاج اقول؟
تكلمت هي بسرعه : اصلًا ما بيسوي شي
صحك عمر الي حضنها وهو يقبّل خدها : غِيمي الحلوه ، انا بقولك لو بس شفت منك دمعه ما ارجعك له
هز زياد راسها بإيه : انت اصلًا بس تنتظر الزله وخر عنها
_
انتهى زواج غِيم و زياد الي توجهوا بعدها لـ بيتهم الي شراه زياد لـ غِيم هدية زواجهم و رجع الكل لـ بيته بسعاده إلا امينه الي كانت تبكي طول الوقت بسبب زواج بنتها و بُعدها : عبدلله رجع بنتي ما ابيها بعيده عني !
تنهد عبدلله يتمدد : يا امينه الله يهديك انتِ بكيتي و بكيتي غسق الي ماسكها نفسها
كشرت هي بوجهه : ايه عمر الحين تلاقيه يحضن اخته يواسيها و انا زوجتك ما اشوف منك شي ، اروح لـ ولدي احسن منك
وقفت هي تفتح الباب لكنه وقف بذهول يمسكها : امينه صادقه انتِ؟
نزلت دموعها تضربه بقهر : عبدلله ما تحزن انت !
تنهد وهو يستغفر يسكر الباب يحضنها : خلاص حضناك لا تروحين
وسعت عينها بذهول تبعده تتوجه لـ غرفك غسق لأنها متأكده عمر هناك
_
~بيت أدهم~
ناظرته كيف ممد على ظهره و يرفع روح الي تضحك و نزلها على صدره يقبّل خدها : الضحكه يارب احفظ لي قلبي !
ابتسمت هي تجلس بجنبه : أدهم
لف لها بأبتسامه : روحي
ميلت روح راسها تناظر امها مع ابوها و كملت ورد : شرايك نروح روسيا؟ يعني لين قبل زواج هُمام نرجع ، شرايك؟
جلس مباشره يناظرها : تبين نروح؟ و هالمره مع روح ، ما اقول لا !
وقفت بحماس تناظره : ولله؟ اعبي الشنط
هز راسه بإيه ياخذ الجوال : بحجز الحين اول تذكره
صرخت بحماس تقبًل خده : حبيبي !
سكنت ملامحه يلف لها بأبتسامه : شنو؟
طبقت على شفايفها ترجع يدينها للخلف : ما قلت ش
لكن قاطعتها روح تصرخ : حبيبي !
ناظروها بذهول لأن هذي كلمة جديده تعلمتها و ضحكت ورد تحملها : حبيبي اجل؟ تبين تجيبين اجلي بنطقك يا روح؟
وقف أدهم و جواله بيده : استعدوا
_
~بيت زياد~
كانت ممدده و راسها على صدره تتفرج بـ ستوريات ديم : غطي عينك
ابتسم يسحب يدها يحطها على عينه : يدي تلعب بشعره و يدي الثانيه ما فيني احطها على عيني خلي يدك كذا
ابتسمت من شافت روح بالصوره كيف تمسك شعر اريج و اريج مبتسمه تناظرها ، قصت الصوره مباشرة تلفها له و تسحب ذراعها : شوف !
فتح عينه يناظر الصور و ابتسم هو ياخذ الجوال : هالبنت كتكوته ماشاء الله احمِد ربي اني عمها
لف انظاره لها يبتسم بخبث : شرايك نتنافس مع أدهم بـ جمال الاطفال؟
ضربته وهي تتنحنح : قليل ادب !
_
~اليوم الثاني ، روسيا~
