ضحك عبدلله يهز راسه بإيه : لا اعرف ان احد دري لين ما رماح و زوجته او عياله ينطقون وصل
هزوا غِيم و غسق راسهم بالايجاب و سرعان ما ناظروا بعض و انفجروا يضحكون : بطنها حتكون صغيره مره
هزت غِيم راسها بالايجاب : مستوعبه انها بتكون ام ، يارب يبتكون مره لطيفة و تجنن
الا انها غطت فمها بأستعياب : و أدهم ! ميف بيكون؟
ابتسمت غسق ترحع شعرها للخلف : بقولك تحليلي
عدلت غِيم جلستها بـ تركيز و عبدلله شاف امينه الي تناظرهم و تضحك : وين عمر؟
امينه : يقول رايح يصلي بمسجد نسيبه ما صدق حبيب القلب يتزوج اخته
ضحك عبدلله وهو يوقف : احب اجهزي انتِ و البنات نص ساعه و ماشين
غسف بتركيز : طبعًا بناًء على تحليلي لـ أدهم يكون اب كل طفل يتمناه ، طيب ليش يا غسق؟ لان هو حصل شخص يرجعه مثل ماكان قبل تصير له ظروفه لان بعد ظروفه ما تقبل اي شخص و عندي تحليل جديد ، هو يعرفها من قبل
شهقت غِيم بذهول : لا مستحيل
نفت غسق : مو مستحيل غِيم ترا سيف صديق أدهم ودايم يوم يكون بالرياض نعرف انه بـ بيت عمي و اكيد يعرف ورد منه ، لان سيف ما يكتم مثل أدهم و اعتقد دايم يكلمه عن ورد لانه اكثر شخص يفهمها ، و لو تلاحظين ترا تسحب علينا و تروح له ، يعني عادي ما يزعل بس ماشاء الله علاقتهم امنية كل شخص صح؟
هزت غِيم راسها بإيه : بس كنا نتكلم عن الأبوه ، كيف رحنا للحب
غسق : أدهم بعد ما حب صار حنون و طيب و يضحك و يبتسم بس مع مين؟ مع ورد و احنا مثل الثلجة نسخ لصق
قلب غِيم عينها : حبيبتي وش يبي فيك ورد تكفيه عن العالم
ابتسمت غسق : صح عليك ، و بما انه حنون على ورد و يحبها مستحيل يقسى على عياله و لو قسى لاقدر الله موجوده الي توقفه ، فهمتيني؟
تنهدت امينه : الله لايحط شخص على لسانكم قوموا انتِ وهيا صلاه !
ضحكوا يقومون يتجهزون للصلاة
_
مر يومهم و صار وقت السحور و كلهم قاسم كلهم يجون عنده يتسحرون و يمشون اذا و دهم ، وقرر أدهم يعلم الكل هناك مره وحده..
اخذت جلابيه من عند ديم الي كانت تقول : الحين لازم تشترين ملابس عشان بطنك صح؟
ورد : اكيد بس مو الحين لسا
همهمت ديم وهي تعدل سلسالها : جدي كلم شاهين و كل عمامي و اهل اسراء و جدك ماهر و التوأم يعني نتكشخ
_
~بيت آل بدر~
كان واقف يشرف كان واقف يشرف على العامل الي يركب زينة رمضان : شوي يسار
لف العامل الزينه شوي و ابتسم قاسم : خلاص كذا كويس يعطيك العافية يا مُجاهد
ابتسم مجاهد يشيل السُلم و يمشي
لف انظاره لأول الواصلين "ماهر و زوجته" : هلا هلا فيكم كل عام وانتم بخير
ابتسم ماهر يسلم على صاحبه : وانت بخير و صحه و سلامه
سلم على ذهب من بعيد و هو يأشر لهم : تفضلوا تفضلوا تو ما نور البيت
ابتسم ماهر : النور نورك يا قاسم ارتاح
كانت دقايق و امتلى البيت بالكل صغير و كبير و سيف راح جاب امه بطلب من اريج الي كلمته "سيف يا امي روح جيب امك تتسحر معانا ما تجلس لوحدها وانا ادري بك لو ماقلت لك كنت ماتجي عشان لاتجلس وحيده ، روح جيبها وتعال انت وياها البيبان مفتحه لكم"
دخلت ورد و شافت الزينه بأبتسامه : مره حلو
وزادت ابتسامتها من شافت جدها ماهر و قاسم يجلسون سوا يضحكون و ذهب تتكلم معهم و تشارك : الله يكثر من المناظر الحلوه
لفوا انظارهم لها و سرعان ما هللوا فيها هي و البنات خلفها
جلسوا و يتكلون و ينصحون بعض و صرخت لانا : بيجي بيبي جديد؟
غطى شاهين فمها بأبتسامة وهو يشوف انظارهم اتجهت له و مسح أدهم وجهه بضحكه وهمس : الله بهديك يا لانا
همس شاهين بخفوت : افتح فمك و ماتقولين شي طيب يا بابا؟
هزت راسها بإيه تناظره و من بعد يدها صرخت : ورد حامل !
عض شفته و انفجر أدهم يضحك : عنيـده !
صرخوا البنات بذهول و وسعوا اعينهم يلفون لـ ورد الي ما استعدت تعلمهم و غطت وجهَا بأرتباك : تمزح معكم !
ارتخت ملامحهم و نفى أدهم بضحك : ورد حامل بس توترت و قالت تمزح لانا
وقف قاسم يشد على عكازه وبجنبه ماهر المذهول : قول قسـم !
أدهم : ما تصدقني؟
لف قاسم انظاره لـ ورد الي تبتسم بتوتر و وقفت من شافته يتقدم لها إلا انه حط يده على كتفها يجلسها : ولله ان تجلسين انا اوقف وانتِ ترتاحين
كانت بتنفي بس هو نفى و انتهى و قاموا البنات من جنب ورد عشان ماهر يجلس يمينها و قاسم يسارها : شوفي أدهم صدقته بس احتاج دليل منك الام
شدت على يدها الراجفة تبتسم وتهز راسها : حامل
سرعان ما اعتلت اصواتهم بالفرح و لفت غِيم على البنات : الحمدلله قالت مو قادره امسك نفسي و امدحها يا بنات
عضت ميان اصباعها وهي تبتسم بشدة : كيف بتكون ام ابي اعرف يناس خلصت اللطافة خلصتها !
ليال : يعني بكون خاله شعور يجنن ورد اولدي الحين بسرعه
ضربتها أنهار : بنت لسا يمكن ما نُفخ فيه الروح يجي ليه !
كشرت ليال : اصلًا انتِ تنكدين وبس ليه تفكرين خارج الصندوق
اسراء : ممكن تسكتون و تتأملون ورد كيف تصير ام وتتخيلون؟ لاني اتخيل بطن صغيره و ابتسامه تجنن وهي تتأمل نفسها بالمرايا
