شاف سطام الي معلق بالسقف بسلاسل و الواضح انه فاقد وعيه و كيف الدم في كل جزء من جسده
شاف الرجال الثلاثه مربطين بالكرسي و نايمين وجهّم للاسفل و عقد حاجبه : وين سحر؟
رفع احد الرجال وجهه بأرهاق : في الغرفة
ابتسم يفتح الباب و ضحك من شافها تضم نفسها بخوف وهي موسعه عينها برعب : وش سوا فيك الشاهين؟
نفت برعب وهي تقول : لا لا ابعدوا عني خلاص انا اسفه لا تجوني تعبت لا تجوني خلوكم بعيدين
مسح على دقنه يعقد حاجبه من حالتها و خرج يتصل على شاهين : شاهين
ابعد شاهين لانا من جنب الجوال : هلا
أدهم : وش مسوي بسحر انت؟
شاهين : ماتتحمل الدم عندها فوبيا و عاد شوف سطام كيف شكله و تحبه يعني فوق الخوف يوجعها قلبها
هز راسه بفهم يشوف من الخارج كيف هي ضامه نفسها للزاويه و الخوف واضح عليها : مو طبيعيه خوفها مبالغ فيه
شاهين : دلوعه تبي تثير شفقتك سكر عليها و اطلع
ضحك بسخريه يتوجه لـ سطام : لا ماشاء الله عليك اخذت حقنا و زود ، بصيد اعترافه و ارميه عند الفريق اول ، ما قصرت شاهين
شاهين : انت تامر و انا قدها يلا تبي شي
نف يبتسم : يعطيك العافية
من سكر من شاهين اتصل على سيف الي كانت عنده مهمه مستعجله بالمركز و ما قدر ما يروح لهم : سيف
ترك سيف الملفات : سمّ
أدهم : اسمع
سرعان ما قال أدهم خطته و ابتسم سيف يهز راسه بزين : تم يوصلك بعد شوي
سكر الخط يخرج من غرفته قدام الباب و من حط الجوال على اذنه يعطيهم جنبه : نعم يا فريق..ايه سطام وطلال و ناصر الطقه كلها..ماحصلنا دليل
اعتلى صوته بفرح : حصلت؟ ولله اني داري انك بتطلع دليل..ايه وينه؟..بـ درج المكتب حقك؟..خلاص تم يلا فمان الله
دخل المكتب بسكر الباب و ابتسم يشوف الفيديو الي يوضح ان احد العسكر من سمع الخبر اخذ جواله و انظاره على سيف يتكلم بهمس ، و رغم هذا هم قالوا مكانه عشان يتأكدون و مايظلمون احد
_
~بيت أدهم~
ليلة العيد بالنسبه لـ آل بـدر هي احتفال مقدم للعيد بس بالليله هذي يلبسون بجايمهم الجديده و تسريح شعرهم و المكياج الخفيف و دايم من العاده يواصلون لين الفطور بـ بيت قاسم يرجعون ينامون ثم يصحون الليل و الي يخرج يخرج و الي يروح عند الضيوف و الي يجلس ببيته يختلف من ناس لـ ناس للخلف بعد ما سوت له فير تغير من شكلها الدائم و شافت بجامتها الستان النود صارت تعشق اللون من موقفها بالبدايات مع أدهم عدلت روجها البني تشوف البلاشر كيف يوضح على وجهّا بشكل تركها تبتسم و ميلت راسها تشوف بروز بطنها و مدت يدها تمسكها و تهمس : روح؟ كيفيك يا ماما؟ تدرين العيد هذا اول عيد مع بابتك؟ مع افضل زوج وصديق و اب و سند ، روحي بابتك مافي مثله محظوظه انتِ يا ماما
ابتسم من شافها تهمس مع روح و تتكلم و كيف شعرها تمردت بعض الخصل تعيق تأمله لها و خاتمها الي يزين اصباعها و يحلف يمين ان ما يليق الا عليها
مدت يدها ترجع شعرها خلف اذنها و من ناظرت المرايا شافته يبتسم يتأملها و توردت ملامحها تلف له : جيت؟
بعثر شعره ينزع بلوفره : جيت جيت
حطت يدينها على اكتافه من حاوط خصرها بيد و بيده الثانيه ابعد شعرها عن عنقها يشوف اثاره عليها اثار حربه و حبه لـ عنقها
انحنى يقبّل نفس مكان شامتها و عرف انه مهوس في كل جزء منها ، مسكت يده الي كانت على جسدها تضمها له : ابي اشوف هديتي خلينا ننزل
ميل شفايفه : بس انتِ حلوه كثير اتركي الهدايا و خليك معي
نفت بحماس وهي تمسك يده تخرج من الغرفة : متحمسه !
ابتسم من فرحتها وهي تسحبه خلفها تنزل تتجه ناحية البلالين الي سوتها على شكل قوس وهذي هي موهبتها الثانيه تعرف تزين وهالشي اكتشفته وهي تحاول تسوي القوس الي ضبط معاها من اول محاولة و كان حول الطاولة و كانت الوانه بيج و ابيض و هديتها الي كانت بعلبه مماثله لـ لون الزينه : شرايك؟
قبّل راسها بحب : رأيي معروف صح؟
شافت العلبه الصغيره الموجوده و لفت بحماس : اعطيني !
ضحك يبعد ياخذ العلبه بين يدينه و ابتسم يشوف فضولها الشديد : لو عجبتك تعطيني جائزه منك مو جماد !
هزت راسها بزين : لو عجبتني؟ اكيد بتعجبني أدهمي !
وسع عينه بذهول من نادته بـ "أدهمي" و النبره المُهلكه لـ قلبه : ورد ولله نطلع الغرفة !
شهقت وهي تنفي بـ يدها : امزح امزح
مد لها العلبه و اخذتها تعض شفتها و فتحتها تشوف الكرت الي يغطي الهديه اسفله و اخذت الكرت بأبتسامه تقراه "مايرضـي عاشقـة الورد إلا الورد كلـه" و نزلت نظرها و شافت مفتاح سكنت ملامحها لـ ثواني ترفع نظرها له تهمس : لا يكون !
هز راسه بإيه و نفت تنزل دموعها بعدم تصديق : أدهم لا تكذب ولله تجرح مشاعري !
ابتسم بهدوء من شاف دموعها تنزل تزين خدها و ملامحها الي حمّرت : لا تبكين لا تبكين
نفت هي تترك العلبه على الطاولة و ترفع نفسها تحضنه تبكي من هديته و كلامه الي كاتبه : أدهم ولله كثير مره كثير !
حاوط ظهرها لانها تبكي بفرح و عدم تصديق من هديته الي كان مقصده فيها "محـل" لها خاص بالورد كله ورد بكل مكان و ابتسم يقبّل خدها : بيعجبك كثير ورد
هزت راسها بإيه وهي مازالت حاضنته : احبك أدهم احبك اكثر من كل شي بحياتي ، و من هديتك انا قصرت كثير بـ هديتي لا تشوفها
ابعدت تمسح دموعها و سحب الهديه من كانت فعلًا بتشيلها : وردي اي شي منك حلو ان شاء الله تمر
فتح الهديه وهي تناظره بهدوء و ابتسم يرفعه : كاب !
شتت نظرها بخجل من نفسها وهي تهمس : غبيه ولله يا ورد
حطه على شعره وهو يشوف انها خجلانه من هديتها : انتِ تبين تغطين شعري لانك تغارين؟ دايم بنات روسيا يمدحونه هو عشان كذا صح؟
وسعت عينها بذهول : يمدحونه ! وش دراك انت
ابتسم يرفع كتفه : هُمام معلمني كم كلمه روسيه لان قد رحت معه و كثير كانوا يمدحونه
كانت مصدومه تناظره و سرعان ما تكلمت : الحمدلله كاب الحمدلله !
اخذ الكرت يشوف كلامها الكثير و ابتسم : شعِر؟
نفت تضرب كتفه : لا تستهبل اقرا
نزل نظرة للكرت الي كان يميزه خطها و هو عنده ايمان ان كل رسام او رسامه خطّه مثالي مثل ورده و خطها "أدهـم و أدهمـي و حبيـبي و زوجـي.. ادري انـي بكلامـي هذا بصيـر شـوي جريئـه بس انت تستحـق كل شي ، سنـدي و عزوتـي و عن الـف شخـص انت يا أدهـم الحنـون الطيـب اللطيـف و هذا كلـه معي انـا لوحـدي تميزنـي حتى بصفاتـك الحلوه لي وحـدي غصـب عني يصيبنـي الغرور من دلعـك لي و كأنـي الوحيده الموجـوده بعالمك.. تدافـع عني و تحبـني و تعطيـني من الكـلام و الافعـال ما كنت اعرف شعـورها بس معـك عرفت شعـور الحـب الفـرح الامـل و الحيـاه الحنـان كل شي كنت فاقـدته ، أدهـم انت كنت نور في ظـلامي كنت بيـاض في سـوادي كنت امـل في إحبـاطي ، ما اوفيـك حقك بين هالحـروف ابدًا لان انـت شخـص لو اتكـلم عنـك طول حيـاتي ما اقدر اعطيـك حقك بين سطـور" رفع نظره لها بهدوء من شافها مشتته نظرها تشبك يدينها بهدوء و ترك العلبه على الطاولة بجنبه يسحبها له يقبّلها بجنون بجموح ما ظن انه بيسويه بس هي ترغمه ترغمه يطلع كل مشاعره معاها و حاوط خصرها يشدها له اكثر و كأنه يدخلها بيت ضلوعه كانت ثواني و حملها يصعد بـ غرفتهم يظهر مشاعره بطريقته يظهر حبه و الي تركه يعشق كل حرف كتبته جابته من اوله لأخره بكل كلمه كتبتها و بكل لقب نادته فيه ، و كيف تقول عنه نور في ظلامها وهو الظلام كله لكنها ورد ورد روحه و حياته و عمره كله ، مددها يعتليها يقبّلها و مددها يعتليها يقبّلها و هي ما مانعت بس انسابت دموعها من فرحها و حبها له تعشقه و تموت في حبه و تغرق ترفض طوق النجاه ، مهمها كانت تحاول توصف شعورها له ما تقدر تعجز حروفها تعبر عن حبها له هي كتبت الكرت لان الكلام هذا كله بقلبها..
بس ما درت ان أدهم بهذا الكرت زاد فوق حبه لها اضعاف صار يحبها فوق الحب حب و فوق العشق عشق و فوق الهيام هيام كل حرف كتبته حفر في قلبه يتركه يجمح معاها بطريقة ما اعتادها ابدًا..
_
~بيت عبدلله~
