رفعت نظرها له وسرعان ما بكت وهي توقف بقلة حيله : سيف
حضنها وهو يقبّل راسها : سمّـي يا عيون سيف
شدت على حضنه وهي يألمها كل انش بجسمها رفسها وضربها مارس كل انواع العنف عليه ، لأن ظن انها ساعدت ورد بالهروب : يظن اني هربت ورد ، حلفت ولله حلفت قلت له مادريت عن شي
نفت ودموعها تنهمر بشده : ماصدقني وضربني
ابعدها يمسح دموعها وانحنى على ركبته وهو يبتسم لـ فِراس : مادوك تجي لـ اخوك؟
عض شفته ودموعه تنهمر بسبب بكاء امه وهو كطفل هذا يأثر فيه ، حضن اخوه وهي يبكي ويشهق : بابا مو كويس ، ابغى ورد
مسح على شعره : تبغى ورد انت تبغاها؟
هز راسه بالايجاب وهو يبعد يمسح دموعه : هي لو شافتني ابكي بتقول خليك قوي ولاتبكي بس انا حاولت
ابتسم يبعثر شعره : ورد مره بخوره فيك طيب؟
ابتسم وهو يمسح دموعه الي كل ما راحت انهمرت اكثر لأن مو بيده
_
~بيت رماح~
كانوا جالسين بالجلسة الخارجية ديـم و رماح و اريج وليال وأنهار يجهزون اغراضهم ، دخل أدهم وخلفه ورد الي كانت تشبك يدها بخجل لأنها توقف قدام رماح ابو أدهم ، وقفت اريج بفرح : بنتي !
رفعت نظرها لها بأبتسامة : عمه
قبّلت راسها وهي ماسكه يدها ماتركتها : زعلتي مني انتِ؟
نفت اريج وهي تشد على يد ورد : لا ولله مازعلت منك زعلت على الدنيا وفعايلها فيك
ابتسم تتوجه لـ عمها رماح بخجل وهي تنحني تقبّل يده بخجل : سلام عليكم
ابتسم يشد عليها : وعليكم السلام ، هلا بزوجة ولدي هلا
توردت ملامحها من قبّل راسها وهو يجّلسها بجنبه : تعالي اقعدي هنا جنب عمك
رفع أدهم حاجبه من حركات ابوه ، وسحبته اريج ناحيتها : أدهم
لف لها وهو يقبّل راسها وخدها : زعلتي علي؟
ضحكت بذهول : انت وزوجتك تدورون رضاي ، تراني بزعل منجد وتراضوني بعدين !
ضحك وهو يجلس ويمسك يدها وكأنه يحاول يبين لـ ابوه مين زوجته ومين زوجة ولده ، تنحنح رماح يرفع حاجبه : يدك ياولد !
نفى يقبّل خد امه : امي هي
اخذ نفس وهو كان بيتكلم إلا ان أدهم وقف بورطة : صدقت يالغالي امزح
وقف من عند ورد : ولله بعض الناس يا ورد يحتاجون تربية من جديد
جلس بجنب اريج وهو يمسك يدها وهي بس تناظرهم ببرود لأن غيرة رماح هذي مع كل عياله بس ان أدهم يشعل غيرة ابوه جديده عليها هذي
ديم بملل : ورد خلينا نروح لـ ليال وأنهار ماشين بكره هم
كانت بتوقف إلا انها حست بيده الي على خصرها تشد وهمس : على وين ؟
شتت انظارها بخجل لأنها ماتقدر تطالعه ، و وقفت ديم تمسكها توقفها وهي ماتدري عن يد أدهم لأنها كانت من الخلف شوي
سحب يده وهو يزفر من شافها تبغى تروح معهم وشتت انظاره للبعيد لأنه مايقدر يمسك نفسه عنها
_
~بيت سيف~
