نفى وهو ينط من اخر درجتين وصدم في أدهم الي كان متجه للصالة وخلفه ورد : فِراس؟
صرخ فيه فِراس من شاف ديم جايه : جات !
ضحك من عرف وش صار وحطه خلف ظهره : وش تسوين؟
تخصرت وانظارها لـ فِراس الي يطلع لسانه من خلف أدهم : بس يفوز علي مايعطيني فرصه اتنفس !
ضحكت ورد تسحب اخوها : ليه ماتخليها تفوز ؟ حرام ماتعرف تلعب
كانت ديم بتصرخ عليها الا ان فِراس نفى : ولله فنانه لا تكذب عليك
ابتسمت وهي حست بغرور لامتناهي : خلاص فروسي سامحتك
نزلت اريج وابتسمت من شافتهم موجودين : هلا هلا
ابتسمت ورد من جات اريج ناحيتها ، وميل أدهم شفايفه بذهول : مالك داعي يا امي لهالدرجة تنسيني
ضحكت وتوجهت له بعد ما سلمت على ورد : حبيبي انت ماننساك شدعوه علينا يمه
دخلت ديم في ذراعها : امي نبغى نروح مخيم ، لوسمحتي لاتقولين لا !
ابتسمت من حركات ديم في الرجاء كيف تزم شفتها وتميل راسها : لوحدكم ولا مع بنات عمك؟
ديم : كلنا كلنا من جدي لين فروسي
فِراس بحماس : انا موافق
ضحكت اريج تنحني تقبّل خده : دام اهم شخص مواقف كلنا موافقين صح؟
ابتسمت ورد لإن فِراس تغيرت نفسيته مثلها تمامًا من عرفت اريج ، وتقدمت تقبّل راسها ، وابتسمت اريج بأستغراب : تسلمين بس ليش؟
رفعت كتفها بعدم معرفه : خرجت مني كذا
_
~الكوفي~
تنهد يطق اصابعه : مو طبيعي
سحب نواف الكرسي يجلس جنبه : ها وش صار؟
رجع يدينه لخلف راسه : قضيتهم مو معقولة كيف تقبلها المحكمة هذا الي ما استوعبه !
لف نواف الجهاز لناحيته وزم شفايفه بسخريه : قريت الاسم انت؟
عقد حاجبه وهو ينفي : لا
لف الجهاز له : سطام آل حازم ، ذا الورع الي جلدناه قبل كم سنه تذكره؟
رفع حاجبه بذهول : ما اصدق ايش ذي الشخصنه !
ابتسم نواف يضرب على كتفه بخفيف : خليها علي انا اوريك فيهم ، هُمام بالشغل صح؟
هز راسه بإيه : راجع بعد المغرب يمكن ، امي تقول بكره في مخيم من بدري تجهز كل عمامي جاين ، بتجي؟
رفع كتفه بعدم معرفة : على حسب شغلي ما ادري
همهم زياد يشرب قهوته وهم يتكلمون عن اشياء كثير
_
~الشرقية~
طلع من المخفر وهو يسلم على احد الاشخاص بإمتنان : يعطيك العافيه ماقصرت وتبشر بالي تبيه ، بس اعطيني يومين اضبط اوضاعي وش تقول؟
شد الشخص على يده : ابدًا اعتقد انك بتلبي الي اقوله الحين لانه بيجي على الي انت تبيه
ابتسم طلال بأستغراب : سمّ
رفع الشخص حاجبه بأعجاب شديد ناحية طلال : ماعرفتني اول؟
نفى طلال : لا ولله اعذرني الشيب غزاني
ضحك وهو يقبّل راسه : طول الله بعمرك ياعمي ، انا سطام
ابتسم طلال بذهول وهو يحضنه : يلا هلا يا هلا
ضحك سطام يضرب صدر عمه : ها اقول الي ابيه الحين
ابعد طلال عنه وهو يضحك : سمّ ياولدي قول
سطام : تعرف زياد آل بدر؟
حاول طلال يتذكر ، وكمّل سطام : طيب قاسم ؟
احتدت نظرته من نطق بالاسم هذا : سطام !
ابتسم سطام : زياد حفيده ياطويل العمر ، انا رفعت عليه قضيه وهذا الي اقدر عليه ، ابيك ترسل له كم رجال من الرياض يلعبون معه وش تقول؟
عقد طلال حاجبه لان مزاجه تغير من قال قاسم ، الشخص الوحيد الي قدر يمسك طلال ويثبته ارضه ويأدبه ، ومن اختفى هو قدر يرجع طلال القوي : تم على خشمي
مد له سطام جواله : هذا جوالك ، وصلني خبر عن ابراهيم ، اخذوه
وسع عينه بذهول : اخذوه وين !
رفع كتفه بعدم معرفه : حاولت اعرف بس ماقدرت ، اخذوه بالسيارة من بيته وراحوا
_
~بيت رماح~
كانت تشوف هدوءه المستحيل وجموده معاها ، حتى ابتسامه مايبتسم ، شتت انظارها وهي نادمه اشد الندم على فعلتها الطفوليه ، وقفت تجلس جنبه : أدهم
التفتت انظاره لها ينتظرها تكمل : ماودك تكلمني؟
شتت انظاره بعدم اهتمام ، وشدت على يدها بقهر لان زعله فعلًا صعب ومُتعب : اسفه
مسح دقنه وهو يوقف : نمشي؟
هزت راسها بإيه وهي تمشي خلفه يودعونهم
شدت اريج على ولدها وهمست : بينكم شي؟
نفى بأبتسامه يقبّل راسها : ابدًا
_
كانت تشوف الطريق الي يمشون فيه وكان طريق غريب : البيت؟
نفى يرد على جواله : نعم
حُسام : ابراهيم عندنا ياطويل العمر
ابتسم أدهم يشد على الدركسون : جهزوه لي ، ثلاث ايام ان شاء الله وانا مداوم ، دورو اي حجه بحيث ما يطلع
حُسام : تآمر امر
زمت شفتها تشتت انظارها للبعيد بسخريه ، كيف انها من رجعت استوعبت انها تغار عليه وغيرتها تغير مزاجها بشكل مو طبيعي ، وديم استغربت انزعاجها ، وكيف انها قالت عن بلوفره اختيار سيء رغم انه جدًا حلو ، ومن كان يكلم جوال عيونها طول الوقت تتأمل عينه كيف لونها شديد السواد يليق مع بشرته القمحيه ، ورموشه الكثيفه كيف تجمّل عينه اكثر ، تنهدت وهي تنزل نظرها وحتى اسفها مافاد بشي : انزلي
رفعت نظرها بأستغراب وشافت انهم وقفوا قدام المول ، لفت انظارها له وهي تشوفه يطالعها بهدوء : لوحدي؟
استوعب انها مستحيل تنزل لوحدها وتنحنح يفتح الباب : لا
شهقت من شافت بلوفره ماتغير : شرايك ماتنزل؟
عقد حاجبه وشبكت يدها بأرتباك : وما انزل انا كمان ونرجع البيت
زفر يمسك يدها وهو يمشي : اخلصي ماعندك ملابس للبرد وبكره مخيم يوم كامل وخيول بعد
ميلت شفايفها وهي تشوف كيف يتأمر عليها بطريقة مستفزه ، حست بشعور مؤلم كيف تغير عليها ، وعرفت قيمته اشد المعرفه..
حس برجفة يدها وشد على مسكته وكأنه يحاول يهديها ، ورفعت نظرها له بصدمه ، الا انه همس بهدوء : لاتاخذيها بمحمل الجِد ، بس عشان الناس مايقولون مرعبها وش مسوي فيها
نطق بكلامه وهو اكثر انسان مايهتم بـ وش يقولون الناس ، سحبت يدها وهي
