غسق بعدم تصديق : يعني اربعة مليون؟
نفت غِيم بأبتسامة مذهوله : خطأ خمس مليون و ست مية الف
غطت غسق فمها : اذا بداية عمر كذا شلون بتكون؟
نواف : عمر باقي من دفعته كثير فلوس بس واراح اقول بس ال سبع ميه دفعه اولى
_
~بيت رماح ، منتصف الليل~
جلس هُمام على ايباده يتفرج بالمواقع : وش ينفع هديه؟
تنهد وهو يلف انظاره للشباك : لو انك نواف يا ديم كان شريت لك نجمة بأسمك بس شنو ممكن يوصل اعماق قلبك؟
غطى وجهه إلا انه زفر يوقف من جات هي بباله
و مايدري هو كيف نطق بكلامه اول
نرجع قبل وقت بيت آل بدر
الساعه عشره و نص
دخلت المطبخ وهي تتوجه تاخذ كوب بهدوء تسرح بتفكيرها قرب العيد باقي اسبوع واحد و امها ميته مالحقت تصوم رمضان معهم ما حست بالي دخل و من شافها راقب تصرفاتها إلا وقت ابعدت المويه عن ثغرها و شهقت بصدمه : هُمام
هز راسه بإيه يقرب ياخذ الكوب من يدها يصب له مويه و يشرب من بعدها ، تصرفه الغريب تركها تنفي بعدم تصديق : هُمام ايش تسوي؟
ابعد الكوب يشوف الصدمه على وجهّا و ترك الكوب على الطاولة : ليال انا صرت الاحظك و اهتم لك بدون شعور مني
هو من شاف انها بتهرب تكلم يسرع بكلامه : لا تخافين ما بسوي شي لكن انتِ تسرحين كثير مو كثير عادي لا كثير مره تصيرين برا عالمنا تدرين من متى وانا واقف انتظرك تلاحظيني؟ ماتدرين
توترت بأستغراب تشد على يدها : ايش تبي طيب؟
بلل شفايفه يشوف ارتباكها : انا اشوفِك و الاحظك غصب عني بس بكل مره تسحرين و تبعدين ما ينفع ، كثر السرح يجيب المرض ليال
نفت ليال ترجع خطوه : بس انت كذا تخليني اسرح من الي قلته
ابتسم يعقد حاجبه : تسرحين بكلامي؟
بللت شفتها تشتت نظرها : لا خلاص
هُمام : بعد العيد بروح ايطاليا
رجعت انظارها له بهدوء و كمّل يبتسم : بس قبل كذا ابيك تكونين زوجتي
وسعت عينها بذهول و توردت ملامحها : هُمام !
ابتسم بورطه يمد يده لـ خلف عنقه : عادي اهم شي تردين قبل ما يمر اسبوع على العيد ما ابي اروح و انتِ مو حلالي
ماتدري كيف خرجت بدون ما تصرخ من خجلها بس الي تعرفه انها تحس بـ حر مو عادي داخلها بسببه و بسبب جرائته ، هي لاحظت جرائة عيال رماح الموطبيعيه
_
~روسيا ، بيت أدهم المغرب~
شربت المويه وهي تشوف انظاره عليها و همست بأرتباك : أدهم
تنحنح وهو يلف انظاره لـ فِراس الي يراقبه : شفيك انت؟
فِراس : ليش تناظر ورد كذا؟
منع ابتسامته يعقد حاجبه : كيف اناظرها؟
ميل فِراس شفايفه يحاول يوضح كيف : ما ادري بس كذا احسك تشوف داخلها من نظراتك ، يعني مره تركز
ضحك وهو يتكي راسه على يده : قول لـ ورد تقول احبك أدهم و اوديك المكان الي تبيه هنا
وقف بعدم تصديق : قول ولله؟
ابتسم يهز راسه يأكده و يشوف صدمة ورد منهم : ولله
لف لها فِراس يمسك يدينها برجاء : ورد قولي احبك أدهم تكفين ابيه يوديني محل العاب
لفت انظارها له بذهول تشوفه يبتسم و متكي على يده و اصابعه على خده يتنظرها تقولها و نزلت نظرها لـ فِراس الي يناظرها برجاء : عيب
نفى بقهر : مو عيب تكذبين
وسعت عينها بذهول تضربه بخفه : ولد !
نفى يقبّل خدها : قولي احبك أدهم يلا ورد !
نفت بأصرار و كان بـيقبل خدها مره ثانيه لكن يد أدهم سحبته للخلف : اقول! انا ابيها تقول احبك بس انت تبوس وش عندك؟ زوجتي
كشر بوجهه يبعد يده : زوجتك عنيده اذا ما تعرف ما ترضى
ابتسم يشوف ورد الي صاده عنهم بعناد : بتقول بتقول بس انت الحين روح غرفتك البس و تعال
ركض فِراس بفرح يتوجه لـ غرفته و سحب أدهم كرسي ورد يلصقها فيه : ليه ما تقولين احبك؟
رفعت انظارها له بعبط : بس انا ماصرت احبك ، لانك تستغل فِراس
وسع عينه بصدمه و مدة يدها لوجهه تضحك : امزح هدي اعصابك عيونك شوي و تطلع كيف تشوفني بعدين؟
ابعد يدها يقرب لها بخبث : انت تلعبين كلام لكن انا العب افعال و كلام اذا ما تدرين
توردت ملامحها ترجع ظهرها للخلف بخجل و سحبها من خصرها يجلسها بحضنه : افطرنا يا وردي افطرنا
غطت فمه تنفي : بنخرج
نفى وهو يمسك يدها الي على فمه يقبّلها : ما قلتي احبك
صغرت عينها لثواني : تقنعني لو قلتها نخرج؟
ضحك يحشر راسه بعنقها ينفي : ما اقدر ، اضيع بحروفك انا
وقفت من سمعت فِراس يناديها : بروح اشوفه
شافها تعدل بلوفرها و ابتسم بهدوء من حاوطت وجهه تنحني تقبّل خده و ضحكت من شدها يقبّلها بثغرها و ابعدت من ابعد ياخذ نفس : عيـب
هز راسه بإيه بسخريه : ايه ايه عيب تتعبيني ولله
ركضت تطلع لـ فِراس وهي تشوفه محتار بين جاكتين و ضحكت بأستغراب : لطيفه شرت لك هذا كله؟
نفى يميل شفته : أدهم
ارتخت ملامحها لثواني و سرعان ما ابتسمت تأشر لاختياره الثاني : البيج احلى
هز راسه بإيه يلبسه ، و انحنت هي تعدل له ياقته : متى شرا ذا كله لك؟
رفع كتفه بعدم معرفة : ما ادري ، يلا نروح؟
هزت راسها بإيه و نزل يركض و هي تنزل بهدوء و شافته ياخذ مفتاح السيارة و انحنت تاخذ جاكيت المطر تكتفي تحط الآيس كاب و فوقه الهودي من دون حجاب ، و شافته فاتح الباب يناظرها يتنظر مرورها من قدامه و مشت تبتسم له تتوجه للخارج
_
مر شهرهم و صاو وقت ليلة العيد اخيرًا بعد مرور افضل الأشهر بالسنه و اكرمها و كيف مر عليهم بسرعة البرق من كثر حبهم له..
راحت الاجواء الرمضانيه تجي خلفها زينة العيد تزين بيت آل بـدر احتفالًا بقدم عيد المسلمين و الوقت الي يجمعون فيه الاقربين و الاصحاب و الأحباب..
