ليال : هذي متعه ما تحسين فيها أنهار
كشرت أنهار وهي تشوف الكتب الي تقرأها ليال : بالله ما تخافين؟
نفت وهي مازال نظرها على الكتاب : احب ، اخذ معلومات خفيفه لطيفة و منها متعه
_
~بيت رماح~
ضحكت من اعطته بلوك : عشان لا يدق و يرسل مره ثانيه ابي اتفرج !
تمددت على بطنها وهي تبتسم تتفرج مسلسلها كانت دقايق و دق ابوها : هلا ابوي
رماح : وينك فيه طلعتي و مانزلتي نمرح معك تعالي بس ولد عمك هنا البسي جلالك
ديم : ولله؟ يعني ما تسوي تحقيق
هز راسه بإيه يبتسم : ولله تعالي يلا
وقفت بحماس تلبس جلالها و تنزل لهم بالصالة إلا انها وسعت عينها بذهول من شافته يشرب قهوه بجنب ابوها : سيف؟
نزل سيف فنجاله يناظرها بأبتسامه : ايه سيف تعالي اسمعي ضروري
لفت انظارها لـ ابوها المبتسم يأشر لها تجلس بجنبه : تعالي اسمعي
تنحنح سيف بثقه يلف لها : قررت نملك اليومين هذي
شهقت تلف لـ ابوها : ابوي ! شقاعده اسمع !
هز رماح واسه بإيه : كلمني عنده شغل برا الرياض فتره و مايبي يروح و ماتكونين زوجته
لفت انظارها له تشوف ابتسامته الخبيثه و تنهدت هي : خليها قبل ما تسافر بيوم وش رايك؟
سيف : رأي لا
رماح : يا بنتي ما بيصير شي
كشرت بوجه سيف لأن حركته استفزتها لكنه ينتقم لانها بلكته
_
~المستشفى~
اخذت نفس تسكر الخط من قال بها سيف عن ملكته من ديم ، هي تزعل و تحزن كيف زواجاتهم و افراحهم صارت بدونه و بدون حضوره..
لفت انظارها له تشوف الممرض الي يدلك رجله بسبب نومه لـ وقت طويل و هذا علاج طبيعي عشان لا يتعب اكثر
رجفت يدها بدون شعور منها لانها تنقهر عليه و تزعل منهم رغم انه يحق بهم يفرحون و ينبسطون لكن هي ما تبي تفرح بدونه تحس بالنقص بكل مره تشوف افراحهم و تحاول تقرح معهم..
_
~بيت التوأم ، الساعة الـ ٢ الصباح~
فتحت باب البيت و ابتسمت من شافته يتكي على سيارته ينتظرها و عينه للسما : هُمام
ابتسم ينزل انظاره لها يعدل وقفته : يا هلا !
مشت بجنبه و حطها تحت ذراعه وهم يبدأون يمشون بالحاره : احس خلينا بعد ما نمشي شوي هنا نروح لـ البر ودي اشوف الشروق و مافي شي قدامي
ابتسم يأشر على عينه وهو يشوف هدوء حي و عدم وجود احد بالشوارع و كيف الهواء البارد و من يشمي القطاوه تمشي حولن و كيف يلصقون فيه و يمشون خلفهم ، و من اشتد البرد شدت ليال على يد هُمام الي على كتفها وهي تبتسم : تدري؟
همهم لها يقبّل راسها و كمّلت بضحكه :السحره دايم يحبونهم القطاوه
سكت لـ ثواني و كملت تضحك : اشك انك تسحرني ، اعترف
اتفجر يضحك وهو يقبّل راسها لمرات متتاليه : ايه ساحرك طلبت لا تطيبين احبك جريئه
وسعت عينها بضحك وهم يغيرون طريقهن لـ السياره : مشينا البر
هزت راسها بإيه يمشون للسياره وهم يسولفون
_
مرت ايامهم و جا وقت ملكة سيف و ديم و كان بيت رماح مجهز لـ كل شي من الزينه و الديكور..
انتهت ورد من مكياج ديم وهي تبتسم : شوفي
لفت ديم لـ المرايا و ضحكت بسعاده : مو غريبه عنك وردي !
ابتسمت بهدوء من الكلمة "وردي" و تذكرته مباشره و عمضت عينها لـ ثواني و رجفت فتّحتها : بروح البس و اجيك غيري انتِ بعد
هزت ديم راسها بزين و خرجت ورد تسكر الباب خلفها : الله يصبرني يارب
