وافقت جمان على يزن لانها اصلًا هي موافقه بس ما تبي تبين انها كانت تنتظره او انها خفيفه عشان كذا تأخرت عليه يومين تحاول تمسك فرحها..
صار اليوم جمعة و كانت جمعة الأهل كلهم و قاسم عرف عن الي صار هو و ماهر لأن ورد لازم تجي عندهم و مايخبون الموضوع اكثر و قاسم كان قوي رغم انهم شافوا خوفه و ارتعابه لكنه ما تطمن لين شافه قدام عينه و بعدها صار يلازمه كل يومين..
جلس رماح يشوف ولده الي قال له انه يبي يملك على ليال لكنه ينتظر أدهم يقوم لكنه ما يعرف الي يفكر فيه رماح من تنحنح ينطق : يا سيف
رفع سيف نظره عن الجوال : هلا يا عمي
ابتسم رماح : انا ادري ان مافي اقرب لـ ليال و أنهار منك و بما انك تقرب لهم و ولد خالتهم انا ابي اخطب و املك ليال لـ ولدي هُمام ادري بتقولون الوقت ما يناسب و أدهم مو معانا لكن ولدي و انا اعرفه أدهم مايرضى تأخرون شي عشانه ولو قام على حيله بأذن الله بيزعل عليكم
ابتسم سيف يترك جواله بجيبه : ولله ما ادري وش اقول لك يا عمي لكن انا اعرفكم و يكفي الحين اكلم ورد تشوف ليال و ترد لكم خبر
سكت هُمام من كان بينطق انها مواقفه وهو يعدل جلسته يتستغفر انه كان بيفضحهم..
كانت تبتسم بهدوء و تتصنع انها معاهم مثل كل جمعة لأن بالها معاه هو و بس محد يقدر يسرق تفكيرها اكثر منه فزت من دق جوالها و ضحكت ليال : بشويش طيب
اخذت الجوال تبتسم : هلا سيف
شهقت بذهول من كلامه تلف لـ ليال الي تناظرها بأستغراب هي و أنهار : قول ولله !
قفلت الخط تصغر عينها تناظر ليال الي تراجعت بأرتباك : يمه ورد نظراتك !
سحبتها ورد تجلسها بجنبها : تعالي انتِ تحبين احد من ورانا؟
وسعت عينها بذهول و ضحكت أنهار تضرب كتف ليال : رجال يا ليال رجال
تورد ملامحها غصب من كلام أنهار و نظرات ورد الي تحاول تخرج كل شي وتفت : ايش صار !
ورد : ليال بتقولين كل شي صار و بسرعه و تعرفين وش صار متأكده انا
سكتت لـ ثواني لكن من نظرات ورد هي نطقت بدون ما تحس من طقطق لـ السلام عليكم و ضحكت ديم الي سمعت كل شي : ورد تاخذين اطباع أدهم !
ابتسمت بهدوء وهي تمسك يد ليال : عمي رماح كلم سيف قال له ابي اخطبها منك لـ هُمام منها خطبة و منها ملكه و دامك موافقه نجيب المأذون
شهقت تنفي : لا مو موافقه مين قال !
عقدت ديم حاجبها : انتِ قلتي يا خفيفه !
ميلت شفايفها : يخوف طيب احس خلوها يوم ثاني مو لابسه و لا ينفع يشوفني ملكه يعني اكيد بقابله
إنهار : حبيبتي ليال تراه شافك و انتِ نايمه بنص الدرج و شكلك مو شكل بنت و حبك و الحين ما بيحبك وانتِ حلوه هالقد؟
غطت ليال و جهّا و مسكتها ورد : حبيبتي دامك بتأجلينها عشان شكلك و انك مو لابسه الحين ارجع البيت و اجيب مكياجي و فستان لي بيطلع موت عليك
ابتسمت ليال من شافت ان ورد نست أدهم للحظة و هذا الشي الي تركها تهز راسها بـ زين : روحي بس خذي معك ديم او احد ثاني لأن مز ابي اتعبك كثير
هزت راسها بـ زين وهي تأشر لـ أنهار : قولي للحريم ما سمعوا شي
أنهار : بقول بقول بس روحوا انتم
_
زفرت من فتحت الباب تشوف بيتهم تاركته على حاله لان من دخل المستشفى هي ما عتبت بيتها لان بيتها معه و راحتها معه وش تبي هي بـ بيت مافيه أدهم ، هي رغم وجود البيت ما تحس بالأمان لان هي بوسط بيتها انخطفت لكن لو كانت بوسط حضنه حتى الكابوس مايقربها ابدًا
شافت ديم كيف سرحت تناظر بيتها من باب البيت و ضحكت تلطف الجو تدخل : ماشاء الله بيتكم بيت احلامي
ابتسمت ورد تدخل تتجه لـ غرفتهم لكن ديم استحت تدخل معاها عشان كذا توجهت للصالة الي تطل على الجلسة و فتحت الباب القزاز تخرج تتوجه لـ ملعب كرة السله و كأنها تشوف اثره بكل مكان شدت على يدها تبتسم تحاول تكذب على نفسها انها مو مشتاقه له ابدًا
رجفت يد ورد من شافت بياض ثيابه بس الوانها و زمت شفايفها بسبب مشاعرها و بكيتها الي على وشك الظهور لكنها غمضت عينها تاخذ نفس تشد على الفستان : لا
سكرت الدولاب تتوجه للشنطة تحط فيها الفستان و اخذت شنطه اصغر منها تحط فيها كل المكياج لكن بتهور و تسارع لأنها لو جلست اكثر بتنهار ، تكره انهم يجبروها تبعذ عنه ما تتخيل انه الحين ممد و حيد في الغرفة مافي اي احد حوله و هالشي ترك دموعها تنزل وهي تزيد سرعتها : لا تنزلين لا تنزلين
مسحتها بعنف وهي تحط كل شي و تاخذها و تنزل تشوف ديم الي تتأمل الملعب : ديم؟
لقت بها ديم تدخل تسكر الباب القزاز و يتوجهون للباب الرئيسي
_
مسحت بالفرشه على خدها تترك اخر لمساتها : انتهينا
صفقت ديم بأنبهار : ورد ماشاء الله لازم تصيرين ميك ارتست لازم
ابتسمت هي تمد المرايا لـ ليال : الله يعين هُمام
هزت ديم راسها بإيه : كل اخوتني على كثر ما انهم صعب يحبون إلا انهم لو حبوا خفيفين مثل ابوي
ضحكت أنهار الي تشوف تلون وجه اختها : يا عروسه !
دقت اريج الباب تدخل و خلفها البنات الي دخلوا دفعه وحده : اوف اوف اوف ايش الجمال هذا يا زوجة ولدي !
ضحكت ديم تدخل بذراع امها : امي لا تقولين لي تموت بخجلها شوفي لون وجهّا !
ضحكت جُمان تشوف وجهّا الأحمر : طماطم
كشرت ديم : إلا زوجة اخوي ! بعدين مسويه طالعه منها وانت وقت الخطبة بغيتي تدوخين
_
~المركز~
