قزح 107

البارت الرابع

[البارت الرابع]

#قزح_107

بقلمي: زهراء السلامي 🤍

لتنسون التصويت + التعليق بين الفقرات + متابعة لحسابي 🤍.

چنت أظنك لون واحد يا قزح 😈🌈..

❥__________ ❥

-قطرسس اللحكني ضمني بسرعه ضمني بقمصلتكككك حتى من يجي ميلگانييي

ضحك بطريقه لطيفه ودخلني بقمصلته انكث من الخوف، ثواني استمريت ؏ هالحال وانتفضت من اجت باجي ام قطرس فوك روسنه، ابتسمتلي وردت عيونهه ع ابنهه وكالت...

-قطرس تعال ابوك يريدك

هزلهه براسه وعافتنه وراحت، وخرني عنه ونزل ؏ ركباته گبالي...

-اني رايح هسه شويه وارجع تمام لا تخافين

-اخاف يكتلني بابه

-اكسر ايد التنمد عليج

هزيتله براسي بس بداخلي مأيسه راح انكتل مابيهه مجال...

**

"كارولين"
چنت بالمطبخ اغسل مواعين من اجه قطرس يسأل ؏ إيڤ، صارله فتره طويله غايب بسبب جامعته وميلحك ينزل يشوفنه بالعطل...