[البارت الحادي عشر]
#قزح_107
بقلمي: زهراء السلامي 🤍
لتنسون التصويت + التعليق بين الفقرات + متابعة لحسابي 🤍.
يگول ؛ والدِنيـا صـَارت حِلــوة مـن يـُوم البي عـرفتـچ !🪬
❥__________ ❥
-جوان تعالي لغرفتي بسرعة!
اللتفتت بكل جسمي عليه جان واكف بباب غرفته عاري الصدر فقط لابس بجامة، گلبي ضل يرعد ورجليه وگفت تبسمرت بمكاني لا اني اكدر اكمل طريقي ولا اكدر ادخل لغرفته..
-ها قوس
-قوس الله: يعني ارجع اعيد كلامي؟
-كول شتريد، ثانياً شنو هاي مصلخ مو عيب
سحبني من ايدي ودخلني غرفته ضليت اللطم بگلبي عقلي صار يتخيل افلام هندية..
-جوان: هاا نعم خير؟
-منين يجي الخير من اخوج الگ***
-لتفشر على اخوية!!
ملامحه جامدة مينطي ردة فعل هسة اني شلون اعرف شبي هذا، هو معصب؟ ضايج؟ زعلان؟ ندمان؟ شسالفه شهاللعبان نفس..
چنت مطيرة عيوني عنه لأول مرة بحياتي ماحب رجال معضل وخفت منه، رفعت نظري عليه وجفلت موسعة عيوني..
انتبه عليه ونظرلي بطريقة "خير؟" نزلت عيوني بسرعه وهمست بعدما بلعت ريكي متوترة من الشفته..
-جوان: شنو جايبني هنا تستعرض كدامي حضرتك؟
-اريدج تصالحيني ويه إيڤ
-نعم؟!! نعم شكلت؟؟؟ عيد حبيبي؟؟؟؟
-انتِ شبيچ؟
-وره ما دميتهه ودمرتهه جايني تريدني اصالحكم؟!
-ندمان وماعرف شسوي
-هاي انتَ وره كل كتله تظل تنندم وتاكل بروحك بس هالسوالف متصرفلك حبيبي اللكالك طريقة ثانيه..
عفته دا اطلع وشهكت من رجع سحبني وسفطني على الباب، فتحت عيوني وره ما حاوط رقبتي بأيده وهمس بفحيح..
-جوان ما اريد أأذيج
-ايدك وخرهه شبيك تريد تخنكني!
شدد قبضته عليه گلبي انسحن من الخوف، عيوني لزكت بالصليب الذهبي اللابسه وعلى الوشم الي اول مرة اشوف بصدره والي خله دمي ينشف اول مادخلت للغرفه، جان واشم ثلاث ارقام بخسفة صدره بالطول ارقام مميزة وشايفتهن هواي محفورات ومخطوطات بغرفته، رقم..
1
0
7
صارعت انفاسي وخفف قبضته من شافني اختنكت، لزك وجهه بوجهي ورجع يهمس..
-جناوي الحلوة ام عيون خضر راضيني ويه شمسي
ذبيت نفس متعب وحجيت لاهثة..
