قزح 107

البارت الثامن عشر

[البارت الثامن عشر]

#قزح_107

بقلمي: زهراء السلامي 🤍

لتنسون التصويت + التعليق بين الفقرات + متابعة لحسابي 🤍.

يا گـبـر اليلمك گـلي يا تابوت ؟
يادمعه العليك الخاطر اتجبره ؟
اسمك بالكبر ميفوت ادفنك وين
اذا دخلته يطلع كم حرف بره
چنت ويا اصدقائك خيط وابره اتصير
تخيطلهم مواقف لو شفت ثغره
واصد لجنازتك امك وكم مفجوع
موجودين بس ووجوهم صفره 💔

❥__________ ❥

-كارولين: لا لا يمة لاااا ما مات ما مااات مستحححححيل..

جريت نفس صعب وحاولت انهض روحي من السفره، اللتفتت ادور أي احد من اهل البيت بعيوني ماكو كلمن بمكان، گمت اتمشى بخطوات ثقيله لـ باب الاستقبال واذا اشوف بيبي سيماء كاعده على القنفة ومغطية وجهها بيدهه وتبچي وكارولين وجهها اصفر وبس الدموع تجري..

-إيڤ: قوس الله مات؟

-كارولين: احممممد رااااح إيڤ ماااات

-سيماء: سودة بوجهي عليك يَـ حميد عمت عين الوكت اي والله

تحجي وتبچي حلگي يبس ماكدر ابلع ريگي، احمد؟؟ احمد يموت؟ لا مستحيل شلون هيج احمد كلشي مابي اخر مرة شفته كال اني بظهرج وراح احاول اخلي قوس الله يتغير معقوله راح هذا هو بعد ماكو احمد بحياتنه!

-إيڤ: بيبي شلون..؟

-سيماء: يا يمة يا وليدي..

تولول وتبچي وكارولين گعدت بصفهه منهارة، اخيراً نزلت دموعي رغم عدم استيعابي للامر دعيت بقلبي يكون مقلب او ممكن غلطانين ومو احمد هذا الميت..

-كارولين: هسة حسين اتصل بينه وگللنه احمد مات

-إيڤ: شلووووووون

-كارولين: داس على لغم وانفجر

تخبلت گلبي عصرني متت من القهر بچيت لحدما دموعي نشفت تدمرت دمار وكأن اخوية المات وعافني احمد مو بس صديق قوس الله احمد اهلنه واخونه وكلشي حلو بهالدنيا نلگاه بشخصية واسلوب احمد..

گعدت على القنفه اشهگ ولازمة گلبي، دقايق ودخلت عمة اخلاص علينه انهبطت ووجهها انقلب اصفر گلنالهه احمد توفى وهاي چانت اول مرة اشوف عمة اخلاص هيچ متأثرة وتبچي..

دموعنه ما وگفت خصوصاً من گالو باچر راح يجيبو بتابوت هنا ببغداد واهله اجو من محافظته حتى يطلعو من بيته الي اشتراه بآخر فتره هنا..

راحت من بالي جوان ونسيت حبها لأحمد چنت تعبانه وممستوعبه الموضوع، دخلن باجي حور وجوان علينه وثنينهن اخذن نصيبهن من الهبطة..

-جوان: شصايررر

-سيماء: سودة بوجهههي راح الزيييين

-باجي حور: يمااا وليدددي عمة منووو؟؟؟