قزح 107

البارت السادس

#قزح_107

بقلمي: زهراء السلامي 🤍

لتنسون التصويت + التعليق بين الفقرات + متابعة لحسابي 🤍.

أكون او لا أكون، انا الاعمى الماله عيون، انا النام بگلب ملچوم، انا الشيطان الماله رسوم.. 🤫

❥__________ ❥

-ابنچ عار تدرين!!

-اهدأ عليك الله سلطان على كيفك صحتك اهم

-طبعاً صحتي اهم منه لو مخلف چلب ولا مخلفه شمستفاد منه ما تكليليييي

-يا حبيبي كل هالعصبية لان تأخر هالمرة ما دز فلوس

-غصباً عليه يدز لو بس حاضر يربيلي زعطوطة بطول زره هالك روحه علمودهه واحنه اهله كلشي ما محصلين منه!!

-سلطان قوس الله...

-قزح اسمه قزح مو قوس الله بري من الله هذا شيطااااان اني ربيت قزح!!!!

**

"احمد"
اتگلب بالفراش والنوم طاير من عيوني، كل ساعة اصفن واتذكر محادثتي ويه قوس الله خصوصاً وره ما خط الرقم ؏ الگاع ، ترددت اسأل بس خمشني كلبي منه، صحت...

-احمد: شنو هالرقم؟

اللتفت عليه عاگد حاجبه حسيته عصب من سؤالي، ردت اللطف الجو ضحكت وگلت..

-اكيد راح تعيش 107 سنه

-قوس الله: ديربالك ؏ نفسك حمد

-شني شكو لازم راح انكتل قريباً

ابتسم تك خد برز ناب سنه عافني وراح جوه، ظليت چني مطيرچي گاعد وحدي علما تجيني النعسه..

قررت ارجع لفراشي وهذا انه مفتح عيوني چني بوم وصوت عماد النثية وجماعته يشخرون..

ثاني يوم فزيت ؏ صوت الضابط طب علينه مداهمة صوت الطلق زرف اذاني طفرنه من مكاناتنه ورحنه نبدل بدون سبح لا نتأخر،، طلعنه بالساحة وبده التدريب القاسي، ألم وصياح واهات تنسمع من شدة العذاب..

انگطع نفسي يالة كملنة تدريب، رحت نمت چفي ؏ وجهي بدون لا اكل شي تعبان والنفس گوة ينجر مني..

نزيت على صوت سوالف فوگ راسي وماحس اله سطل ماي بارد وانذب فوگاي، طفرت وصحت...

-ولكمممم چلاااااااب

بدت الحرب الطاحنه، بوكسات ؏ دفرات ؏ راشديات الخخ، فاككونه وصحت...

-والعباااس انه الك اليوم يا انه يا انته بهالغرفه

-عماد: هههه روح ورنه (جبان)

طلعت معصب والنار مشعولة بصدري، فكرت گلت اذا اروحلهم بهالحال جوز نتعاقب ويفتهمون تعاركنة ويسمطونة بشناو هندي..

طلعت للساحه افكر وبداخلي جمرة الهوا يطلع زمهرير من زردومي، ضربت رجلي بالگاع حيل ورصيت اسناني اريد اهدأ روحي..