#قزح_107 ......بارت٥٠
بقلمي: زهراء السلامي
لتنسون التصويت + التعليق بين الفقرات + متابعة لحسابي 🤍.
تهزمني عيونچ كل ما نويت اقسى 🖤
❥__________ ❥
-شبيچ؟
-شويه انطيني مجال
-شبيچ إيڤ هيج گمزتي
-لان الدتسوي يحرگ الگلب!
-قوس الله: شسويت غير بستج
گمت من عنده متنرفزه فورة بگلبي وروحي شايطه، طلعت من الاستقبال وتركته كاعد وحده اجتني بيبي تسأل عنه..
-إيڤ: زين مابي شي
-سيماء: شنو لعد ليش طلعتي وعفتي وحده؟
-يريد ينام
-وترديني اصدك قوس يريد ينام ويطلعج بره ولج هو راحته يمج
-بيبي شنو المطلوب مني
-ولج ماما شبيچ انتِ ليش تبجين قوس مزعلج؟
-لا 2
-لعد شبيچ
-بيبي ماكو شي بس شويه تعبانه ونفسي تلع
ابتسمت ابتسامة واسعه وتقربت مني قرصت خدي وكالت..
-وجهچ اصفر هم
-اي يمكن فقر الدم رجعلي
-او يمكن حامل
ضحكت متحمسه على الفكرة باوعتلهه وسكتت اني وين والعالم وين..
-سيماء: هاا شو سكتي
-لا بيبي مو حامل
-اكيد إيڤ
-اي
هزت راسهه وراحتله بالاستقبال، استغليت الوضع وصعدت فوك افرغ طاقتي كعدت بغرفتي اريد ارتب افكاري لازم الفورة تطفى بگلبي بس شلووون..
-اريد أندمه اي لازم أندمه وما استسلم بهالسهوله
زارتني افكار مشوشه ماكو غير زهراء اتصل بيهه هي تساعدني، فعلاً مجرد اتصلت جاوبتني وتسائلت من صوتي اليرجف..
-لا هيج ماكو شي، زازا اريد اشاركچ شي بس الله يخليج لا تنظريلي بنظرة الحقوده
-شنو إيڤ احجي
-گلبي ما برد وبعدني حاقده على قوس وما طايقته مدا اكدر انسى زهرا راح اموت كلما تقربت منه اتذكر كل السواه بيه
-الله يساعدج زين والحل؟
ذبيت نفس صعب وسولفتلهه الي براسي بالبدايه كالت مستحيل راح يوافق ويمكن راح يزعلني اكثر بس هالشي الوحيد الي ممكن يرجعلي جزء من كرامتي..
-زهراء: اني وياچ بكلشي تكولي مو غلط وحقج بس انتبهي لنفسج اول متشوفي عصب لتبقين تلحين وياه اخاف عليج