قزح 107

البارت الثلاثون

#قزح_107

بقلمي: زهراء السلامي ✨

ها شبابات 🌚 لتنسون التصويت + التعليق بين الفقرات + متابعة لحسابي 🤍.

آآخ مني وآآخ من روحي الگظت هذا العمر بس بالتمني ❤️‍🔥..

❥__________ ❥

دقايق معدوده واجت الاسعاف رفعو جسمه بهدوء وحرصو محد يلمسه، جانت جايه دورية شرطة وياهم..

-إيڤ: قوس

حجيتهه بروح رايحة ترك الكل واجه عليه، حضني نص حضنه ودخلني البيت لزمته من قميصه حيل وحجيت بحس متقطع..

-شبي اخوية قوس الله

-قوس الله: هسة نعرف حبيبتي لا تطلعين ابد

-اريد اروح وياه

-لا امه وابوه وياه إيڤ ابقي هنا ما تتحملين انتِ

-ابقى على تواصل ويايه الله يخليك

حط ايده على گلبي وذب حسرة يباوع لعيوني..

-قوس الله: كالت سيماء كلبچ يوجعج

-عوف گلبي طبه مرض اهم شي اخوية يرجع بالسلامة

كعدني يم بيبي وطلع بعد سيل من الادعية والصلوات من سيماء، صاحتله قبل لا يطلع وكالت..

-قوس الله بداعتي بالك على نفسك

-قوس الله: ان شاء الله

حطيت وجهي بين ايديه وادعي من كل گلبي، نمت على رجلين كارولين انتظر والوقت على الجرار.. نتصل ومحد يجاوب بيبي حارت شتسوي كامت تفتح بقميصهه منهارة..

لكن خلصت كل هالاحداث من اجانه قطرس وضعه مخربط وهالجية چانت القاضية ما سمعت شي غير العياط والبكاء ملى المكان، ماستوعبت شكال اني اتذكر كال شي بخصوص مجد بس شنو جان؟..

**

"كارولين"
دخل علينه قطرس تعبان ومنزل راسه جابلنه اصعب خبر ممكن أي انسان يتقبله..

-قطرس: العمر الكم

-سيماء: شنووو ولككك

-قطرس: الله يرحمه بيبي

كامت امي متخبلة تدك على صدره وتصيح بصوت خسف گلوبنه من القهر..

-ولكككك شنوووو الله يرحممممه شجاي تلغييي انتتت

-قطرس: لگو منتهي ومقطوع عنده النفس

دموعي ما وكفت نزلت راسي اشوف إيڤ النايمة على رجليه حركتهه متتحرك حاولت اكعدهه ماكو لا حس ولا نفس..

-كارولين: قطررررس إيڤ غابتتت عن الوعيييي

اجه يركض ترك بيبي المنهارة ونزل على ركباته لزم وجهه بيده يضربه خفيف، شال راسهه من رجليه وصاح بيه اجيبلهه مي..