#قزح_107 .....بارت٤٨
بقلمي: زهراء السلامي
لتنسون التصويت + التعليق بين الفقرات + متابعة لحسابي 🤍.
ﻻ ﺗﺸﻜﻲ ﺍﻟﺠﺮﺡ ﻭﺗﻌــﺪ ﺍﻟﺠــﺮﻭﺡ ﻣﺎﺗﻠﻜﻪ ﺍﻟﻴﻀﻤﺪﻙ ﺑـﺲ ﻳﻠﺠـﻤـﻮﻧﻚ..
ﻭﻻﺗﺒﺠـــﻲ ﺑﻨﻬــﺮ ﻭﺩﻣــﻮﻋﻚ ﺗﺮﻭﺡ ﺷﻴـﻬﻤـﻪ ﺍﻟﻨﻬﺮ ﻟﻮ ﺗﺤﻔــﺮ ﻋﻴﻮﻧــﻚ..
ﺳﻮﻟﻒ ﻋﺎﻟﻔﺠــﺮ ﻭﺍﻟﺸـﺎﻫﺪ ﺍﻟﻠﻴــﻞ ﺫﻭﻟـــﻪ ﻭﻳﺎﻙ ﻋﺸــﺮﻩ ﻭﻣﺎﻳﻨــﻜﺮﻭﻧﻚ..
ﻭﺍﻓﺘﺢ باب ﮔﻠﺒــﻚ للمجانين ﻋﻮﻑ ﺍﻫﻞ ﺍﻟﻌﻘول ﺍﻟﻤﺎﻳﻔﻬﻤﻮﻧك.. 💔!
#حال_قزح
❥__________ ❥
"محادثة بين إيڤ والطبيبة لم تذكر"
-قوس الله ما صار هيج من عبث اكو ماضي لهذي التصرفات
-إيڤ: ابوه چان عنيف وياه كلش اتوقع هو خلاه هيجي يصير
-الدكتورة: لا لا ممكن اكو شي اكبر من كونه مجرد تعنيف
-إيڤ: مثل شنو؟
-الدكتورة: حالياً ماكدر احجي بخصوص حالته بس اغلب السايكوباث يكون متعرض لشي يفوق فكره ويفوق خياله.. شي ما شايفه من قبل وما عاشه وشافه بطريقة بشعه بدون سابق انذار
-إيڤ: اغتصاب مثلاً؟
-بالضبط
-إيڤ: قوس الله مغتصب بطفولته!!
-صعب ينعرف من اول وثاني جلسة بس صراحة اشك بهذا الشي
-تشكين ان متعرض لو ممتعرض؟
-ما متعرض اكو شي اكبر
-شلون اكبر يعني مثل شنو اكبر من الاغتصاب؟!
-الدكتورة: قبل لا يجيبچ الي قوس الله زارني مرتين وبهاي المرتين اكتشفت غرف مظلمة بشخصيته تصرفات عنيفة جداً وافكار سوداويه لم اشهدها من بقية المرضى افكار يطبقها حتى بشغله بدون تردد
-وبعد
-لا يندم بعدها وينظرلهه بنظرة طبيعيه وكأن ما سوه شي
-زين؟؟
-عقل الطفل الذي يتراوح من عمر اربع سنوات الى سن البلوغ يكون صعب، محصور بأفكار معينه بعيدة عن افكار الانسان البالغ الراشد.. القصد من كلامي ان عقله صغير ونظرتي تختلف عن نظرة طفل عمره عشر سنوات
-قصدج ميتحمل الي نعيشه
-عليج نور.. ميستوعب وميتقبل حتى لو بيّن العكس، امثلهه الچ بالواقع كأنما عقل الطفل يگوم ينفر كلشي غير مناسب لعمره لدرجة يتعب عقله ويسببله امراض وعقد نفسيه
-اي
-دائماً نكرر اكو مواضيع متنحچي گدام الطفل مهما يكون واعي وذكي بس عقله ميتقبل مواضيع بهذا العمق هالشي راح يأثر عليه سلباً بالمستقبل بس الاهل للاسف ميوعون على هذا الشي
