#قزح_107
بقلمي: زهراء السلامي
#بارت٤٧
اخذو الصورة الفوك متأكدة راح تعجب هواي بنات 🙂😂
لتنسون التصويت + التعليق بين الفقرات + متابعة لحسابي 🤍.
يَصفُها قائلاً يا سيدي هَذه الرقيقهُ هي كُل جَيشي! 🥺♥️
❥__________ ❥
-معقوله؟؟
-اي والله شبيچ
-مادري زازي احس اكو شي غلط
-زهراء: فهميني شنو الغلط يعني؟
-لُباب: ماعرف بس شي غريب معقوله قبل يتعالج بهالسرعه زازا تره السايكو ميستوعب هو مريض سايكو ابد
-مادري اني هم استغربت و إيڤ هم مستغربه من الوضع والغريب اكثر ان هو هادئ لا عيط ولا تنرفز ولا طلع حرگته بيهه مثل كل مرة
-لُباب: الرجال مو طبيعي يخوف زازي انتبهي على نفسج وديربالج تجازفين وتحجين وياه
-لا عزه لو اموت
-زين تعالي إيڤ شلونهه شخصيتهه؟
-حلوة خلقاً وخُلقاً
-برأيج راح تحبه زاز؟
-مادري
-يعني ممكن تحبه؟
-يمكن مادري اذا يبقى هيجي ناعم وياهه ويصير ادمي احتمال تحبه
-يبووو لا زهراء ماستوعب معقوله تحبه وره كل هالقهر
-شمدريني يمعوده شنو هالعيشة استغفر الله
-ابوهه ليش ميتدخل والله كاتلني كتل هذا الرجال
-لبوة إيڤ وحيدة ماعندهه احد ابد تدرين اني ما طايقته قزح لج طاري اسمه ماحب اسمعه الله يعينهه متزوجته وعايشه وياه بس شنو بيدي اذا ابقى احجي عليه واكرهها بي اكثر اجني على البنيه
-تقنعيهه تتقبل حياتهه؟
-اچذب عليچ اذا اگلچ مقتنعه تكمل حياتهه وياه لكن على الاقل بس هالفتره خلي البنيه توكف على حيلهه
-ليش شبيهه؟
-دتفكر تنتحر
-كذب!!
-مگالتهه هي بس هواي تجيب طاري الموت من نحجي وتكول بس الموت يخلصني من عنده
-وتتوقعين تنتحر؟
-مادري لُباب
-زهراء اني مو وياچ بهذا الكلام وما اتمنى إيڤ تحب قزح اتمنى ينفصلون
-مثلچ والله تعرفين لو اني بدالهه لو يموتوني ما اتقبل ابقى عنده ولا ثانيه مو انوب اتزوجه واعيش وياه واتحمله بس لُباب وضعي ووضعچ ووضع كل بنيه يختلف عن وضع إيڤ
