#قزح_107...... #بارت٥٥
بقلمي: زهراء السلامي
لتنسون التصويت + التعليق بين الفقرات + متابعة لحسابي 🤍.
مَدري شلون طبيت بحنايا الروح
انتَ التايهات الما محَسبلهن.. ♥️
❥__________ ❥
-وين رايحين؟
-بابا هواي تلحين
-هسة غير افتهم
-نوصل وتشوفين
سكتت انتظر نهاية هالطلعة المفاجئة وبداخلي فضول عجيب، سفط بظهر فندق عالي معروف ببغداد ونزل من السيارة واجه بأتجاهي يفتحلي الباب..
-يله
-راح ننزل هنا؟
هز راسه ومدلي ايده لزمتهه وتمشيت وياه لحدما وصلنه لبوابة الفندق، دخلنه سوه ايد بأيد ودورت عيوني بالمكان شكد جميل وفخم..
-كعدي هنا دقايق وراجعلج
كعدت بالصالة وافرفر بعيوني استكشف المكان، رجعلي لزم متني ومشاني وياه بدون لا ينطق شي..
صعدنه المصعد واني ازن براسه وهو على هدوئه ما نطق كلمة لحدما وصلنه كدام باب غرفة فتحهه بالمفتاح البيده وتقرب مني غمض عيوني بيده خلاني اموت ضحك..
-خو افتهمنه مفاجأة حتى عيوني تغطيهن
-اششش يله
دخلت الغرفة وكفخت خشمي ريحة عطر يجنن وحاوطني دفو حسيته مثل المخمل على بشرتي..
-قوس اريد افتح عيوني اريد اشوف
قبل لا ينزل ايده عن عيوني باسني على خدي ووخر ايده عن عيوني وهمس بأذني..
-احبچ اميرتي
فتحت عيوني مبهورة بالمكان، سويت جبير واني بداخل الغرفة مالته والغرفة عبارة عن شموع معطرة ونفاخ احمر كل مكان.. دورت عيوني بالغرفة خرافية وعلى الچربايه مشكلين من المناشف وزات ثنين معانقات بعض وبتلات ورد مطشوش على السرير..
من بعدما استوعبت جمال المكان والاجواء الي تبچي من الرومانسية اللتفتت على قوس الله مبهورة وعيوني مدمعه من المنظر..
-قوس شنو هذا
تقرب مني خطوات تلمس ايدي وكال بصوت مليان حنية ممزوج بالقلق..
-عجبچ؟
-خيال يجنن عبالك دخلت لغير عالم
-ياريت
-شنو ياريت؟
-ياريت نروح لغير عالم بس اني وانتِ
-يممممة واتحملك وحدي لا لا دخيلك
-لازم تچفص بمصاريني
-يعني هاي فوكما اني صريحة وياك
-اي اي هذا هو انسي تعالي هسة
-وين؟
-للحمام
-نعمممم؟؟؟؟؟
-يا ستار
-وين للحمام ويننن
-شبيچ انتِ مخبلة تعالي شوفي وانچبي
-بس نشوفه مو تتسوفل
1
-ماسوي شي بس تعالي لازم تخربهه علينه خـ** بيج
-امشي كدامي
-انتِ اول
-اشو الا انتَ
-تدرين شي؟
-شنو
-احنه مو شكول هيج مكان شقتنه زايدة علينه
-زايدة عليك مو عليه
عبرته ومشيت اتهيچل منغرة بالمكان ومگزگزة على ذوقه خرب عقلك قزح والله ذوق يموت عليك..
تمشينه للحمام وفتحتلي الباب وكفت بمكاني مطنكرة من الاجواء..
-شبيچ؟
-شنو هالمكان
-يا مكان هذا حمام
-ادري بس شنو هالاجواء مال ادبسزيه
-إيڤ حبيبتي تره احنه متزوجين
-هاا هاا بدينه
-هسة شحجيت اني
-مو اني اعرف بشنو تفكر
ضحك وهز راسه مأيس، ادري زودتهه بس الحماوة والخجل صعد عندي فول ليفل الحمام يقهر مو بس رومانسي مال واحد ينام بي..
جاكوزي دافي ومتوزع حوله شموع وبالمي بتلات ورد احمر وريحة العطور والغسولات تفوح من عنده اااه شكد يجنن وبنفسي اكعد بي بس قزوح ميعوفني وحدي ادري بي..
