قزح 107

البارت الثامن

[البارت الثامن]

#قزح_107

بقلمي: زهراء السلامي 🤍

لتنسون التصويت + التعليق بين الفقرات + متابعة لحسابي 🤍.

- في عينيكِ سماء ثانيه 💙✨"

لـ إيڤ ✨

❥__________ ❥

-احبچ

فتحت حلگي وجحظت عيوني، نبض قلبي توقف ورجليه صارت ترجف..

-احبچ إيڤ اتمنى تبادليني نفس الشعور

-شنو..؟

-راح نخطب قريباً جميلتي وراح نعيش بسعادة

دفرت ايده بقوة وحاولت استند على نفسي، قلبي انعصر من الفكرة وجهي توجم وانفاسي اضطربت، طلع صوتي ضعيف..

-قوس الله...

-عيونه وروحه وگلبه وعذابه

-قوس دتشاقه انتَ صح؟ كول دتقشرمني فدوه

-إيڤ راح نخطب حبيبتي وراح نعيش اني وياچ بغرفتي مو انتِ تحبين غرفتي وتكولين عنهه كلش حلوة واثاثهه يعجبج راح اجيبلج احلى اثاث بالسوك بس اشري على اليعجبج ويصير جوة رجليج

چان يحجي هيمان وسابح بأحلامه، حاول يلمس ايدي ونفرت منه تركته وركضت فوك صارت بوجهي جوان مخطوف لونهه بس ماعندي طاقة احجي شي..

هرولت لغرفتي ودفنت روحي ببطانيتي الناعمة وجسمي يرتعش، مادري هو خوف؟ لو غرابة؟ لو حيرة؟ لو تقزز؟

اني وقوس الله نتزوج؟ لا لا مستحيل شلون قوس ابويه الرباني هو الكبرني وأكلني ولبسني وداراني شلون يريد يتزوج وحده هو رباهه على انها بنته!

الليل كله ما نمت ما زارتني ولو غفوة صغيرة، حسيت الصبح على باب غرفتي ينفتح عرفته قوس حافظة صوت خطواته حافظة هدوءه من يتسحب لمكان واهمها حافظة عطره..

كعد على سريري وتلمس شعري بخشونة، نزل قريب وجهي توقعته راح يقبلني لكن ابتعد من دون ليسوي شي، هز جسمي على كيف وكال..

-يله شمسي كومي للمدرسة

ماكدرت اجاوب بصعوبة حافظت على هدوء انفاسي الريحني شويه كام من سريري وراح يصحي كارولين قفزت بسرعه بدون مراوغة واخذتهه فرصة وكمت وياهه..

طلعت من الغرفة للحمام بدون لا اباوع لوجهه، طولت بالحمام اريد الهي روحي فرشت اسناني ومشطت شعري وطلعت بعد ربع ساعة وتفاجأت من شفته واگفلي بالباب لابس بدلته..

-قوس الله: تأخرتي إيڤ

-احم.. اي چنت افرش اسناني

-يلة بسرعة حتى تتريگين واراجعلج للامتحان

-ماكو داعي.. راجعت قبل لا انام

هز براسه وجر ايدي نزلني وياه، گعدني على كرسي والكرسي البجانبي هو استقر عليه سوالي لفات ثنين وجبرني اكلهن وكارو اكتفت بنص لفة هذا مقدار التكدر تاكله..