قزح 107

البارت العاشر

[البارت العاشر]

#قزح_107

بقلمي: زهراء السلامي 🤍

طبگت بارتين سوه 🌚♥️، لتنسون التصويت + التعليق بين الفقرات + متابعة لحسابي 🤍.

الجحيم فارغ كل الشياطين هنا يا صديقي 😈..

❥__________ ❥

طلع من البيت بعدما صحى الشياطين الخاملة بقلب قوس الله، ثار وگوم الدنيا ما كعدهه كسر، حطم، هشم أي احد يجي بطريقه ياخذ المقسوم حسيت وكأن صارت غشاوة على عيونه وميشوف احد گدامه..

شال المواعين بالبوفية وكسرهم، شال القنفة الي بالصالة ورفعهه شمرهه على محجر الدرج، الطاولة الجبيرة المتوسطة الصالة كسر رجليهه..

يزفر نار وعيونه تقطر دم منظره مرعب، شكد قوس الله يعصب بس ولا مرة شفته بهالحالة خصوصًا من ظل يفشر ويغلط ويسب بأبوه ويحطم بنفس الوقت..

بيبي صارت ترجف وكارو وجوان هربن بالحديقه، نسوان عمامي ظلن واكفات ووحدة تباوع للثانيه والوجوه صفرة، اما اخلاص فـ ظلت واگفه وكالت جملة صفنتني وخلت گلبي يفور..

-اخلاص: ماعرف شوكت يكبر هالولد..

حچتهه وطلعت من البيت وتركت النار المشعولة بگلبه تكبر، بقيت واكفه بمكاني مترددة انزل بعد هالحطام الصار بالصالة..

-سيماء: يمة قوس.. حبيبي وليدي..

دفر ايدهه وانفاسه تلهث باوعلهه نظرة حادة وكال..

-لا يمة اسمي قزح

-يخسى كل اليصيحلك قزح يبعد گلبي اشتعل ابوك ان شاء الله وخلصنه منه

سمع بأسم ابوه كشر وجهه وملامحه رجعت تقلبت، حچه بين اسنانه بصوت عالي وكال..

-اربي!! اني الي راح اربي..

حچاهه ورفع موبايله بأيدين ترجف من العصبية اتصل ومبين الطرف المقابل جاوبه..

-قوس الله: حرملة محتاجك..

مسح وجهه وطلع من البيت ماكدرنه نسمع المحادثة الدارت، نزلت بسرعه اريد افتهم شسالفة من شافتني بيبي جرتني من ياختي وحچت متوترة..

-بيبي إيڤ وين جنتي طول هالوقت؟؟

-فوك واكفه على الدرج

-سيماء: شفتي سلطان شسوه بقوس الله؟

-شفت بيبي اصلاً مارجعت للغرفة وره ما صعدت كلش زعلت هذا شبي ليش يعامله بهالطريقه

-هذا ابو يمة

-ليش هيج قاسي وهذي اخلاص ليش تضرب قوس! وليش ابوه يصيحله ابليس شنو السالفة فهموني!!

-اشششش اشششش يمعوده لا تحجين شي تردين يعزينه اليوم