[البارت الرابع والعشرون]
#قزح_107
بقلمي: زهراء السلامي
رجعولي الواهس بتفاعلكم بهذا البارت 😔💖
إنتَ بَس لو ينفتحلَك باب گلبي
تشوف بي أُمَك وأبوك وديرتَك
وحروف أسمَك
والعيون التنذر الشوف
إعلة طولَك حَتى خوف الوادم
الرادت تضُمَك
ياهو أحَن مِني ويحبَك ؟ ♥️
❥__________ ❥
-إيڤ: ديما؟!
تقربت علينه ملهوفة حضنت قوس الله من رقبته وتشم بي وهو بمكانه بعده على صفنته..
-ديما: افيشششش هسة ردتلي روحي
-إيڤ: شجابج هنا؟ هاي شبيچ وخري راح تاكلييي
-ديما: يمة راح اموت ما مصدكة والله قووس انتَ كدامي وحاضنتك
-قوس الله: معقوله جنت ميت ورجعت للحياة واني مادري؟
-ديما: ههههه احبكككك احبكككك
باوعلي قوس ومرسومة على وجهه علامات الاستغراب، بعدهه عنه وكال..
-قوس الله: شو صايره سفردحي
-ديما: راح اتطلك قووس اخيررراً
-إيڤ: عل الخير بس ليش هيجي فرحانه؟
-ديما: اكره زوحي ماطيقه زوجوني غصب وهسة راح انفصل عنه بعد سنوات من العذاب الله لا يوفقه
-قوس الله: والمطلوب؟
تقربت عليه تتماوع حطت ايدهه على صدره وبرمت شاربه بأيدهه..
-ديما: ماكو مطلوب بس فرحانه اني
-قوس الله: الله يديمهه
وخر ايدهه عنه وراح يريد يصعد فوك وصاحتله..
-ديما: تركت بنتي عند ابوهه خلي هو يحير بيهه
-إيڤ: عندج طفلة!!!
-ديما: اي
-إيڤ: شلون كدرتي تتركيهه هيج
-ديما: خلي هو يربيهه ميهمني اني
قوس فر بأيده وصعد وهي راحت تكعد على القنفات والابتسامة من الاذن للاذن، تاخذ شهيق وزفير وتتنهد مرتاحة.. كعدت بصفهه وجرتني عليهه..
-ديما: بيج ريحته شنو تحاضنتو؟؟
-إيڤ: عفيه هالقوس ريحته تلزك بالكل مبخرة مو رجال
-ديما: يعني تحاضنتو مو
-لا شكو نتحاضن
-ها الحمد لله
-إيڤ: اي ديما شلونه شعورج وانتِ راح ترجعين لحياة العزوبيه
-خيااااال
-صدك اوكفي انتِ منو دخلج للبيت؟
-صديقة سوزان جيرانكم فتحتلي كلتلهه اني صديقة قوس الله وطببتني
