قزح 107

البارت التاسع

[البارت التاسع]

#قزح_107

بقلمي: زهراء السلامي 🤍

لتنسون التصويت + التعليق بين الفقرات + متابعة لحسابي 🤍.

"أنا جبان حينما يتعلق الأمر بأحوالِ القلبْ، هذا هو خَطئي المُميت 🫀".

- هاروكي موراكمي.

❥__________ ❥

صحيت على اثر صوت بيبي تكول..

-ايهم ولك اسرع شوف وجهها انگلب اصفر

-ايهم: يمة لا تخبصوني

-كارولين: ماما إيڤ شبيهه ليش هيج اغمى عليهه

-سيماء: عنودية ما تاكل هاي من يروح قوس الله واجب تظل تشلع گلبي ياله تحط لگمة بحلگهه

صوت بي صدى جملة اسمعهه وجملة لا، فتحت عيوني ببطئ وكارولين صاحت..

-صحت هياتهه فتحت عيونهه يمة شوفي!!

انخبصت بيه بيبي بس تعبانه ماكدر انطي ردة فعل، دقيقتين استجمعت قوتي وهمست..

-رجعوني للبيت

-ايهم: شتكول؟ يمة شكالت؟

-سيماء: دسكت شكد تلغي خليني اسمع

-إيڤ: رجعيني للبيت بيبي

-سيماء: لا بيبي رايحين للمستشفى خلي نشوف شبيچ

-رجعوني

-كارولين: إيڤ لتعاندين حبيبتي ما بقى شي ونوصل للمستشفى

-كلت رجعووني!!

صرختهه بتعب ودرت وجهي على الجامة، صارو يتهامسون بين بعض وابويه يأشر بيده "نروح معلينه بيهه"..

-إيڤ: ماروح كلت لحد يحاول رجعوني للبيت تعبانه

-سيماء: اي ليش متقبلين ترحين

اشرت بيدي ماكدر احجي وفعلاً رجعوني للبيت، صعدت لغرفتي ونمت بسرعة..

وره كم يوم تحسن وضعي شويه ورجعت للمدرسة، رجع قوس الله من الواجب بس مافتح موضوع الخطوبة بعد ارتاحيت نوعاً ما..

گعدت على الرحلة انتظر الدرس الاخير وصديقتي مروة كالت..

-إيڤ شاغر الدرس الاخير تعالي نطلع

-إيڤ: يله راح اشتري جلي احمر واجيچ انتِ روحي حجزيلنه مكان بنهاية الساحة علما ارجع

رحت اشتري جلي من الحانوت اشتريت هواي ورحت لمروة گعدنه نسولف وكالت تريد تسويلي ظفيرة لشعري..

-مروة: شنو هالشعر شنو هالنعومة والجمال

-إيڤ: مو بجمال شعرج مراوي

-مروة: لا عيني اني وين وانتِ وين

ضحكنه وسولفنه بأمور مختلفة شويه واجتنه المراقبة تكول المديرة تريدني..