قزح 107

البارت السابع والثلاثون

[البارت السابع والثلاثون]

#قزح_107

بقلمي: زهراء السلامي

لتنسون التصويت + التعليق بين الفقرات + متابعة لحسابي 🤍.

إذا تخلصت من شياطيني، سأفقد ملاكي. 😈
#قزح

❥__________ ❥

-قوس الله..

لطمني على حلگي براحة ايده ورجع يفشر عليه وعلى روحه يضرب على صدره مثل المجنون ويرجع يضربني..

ما اكتفى بلي سواه بالبيت انهد عليه بالسيارة يشيل راسي ويرگعه بالجامه ينطيني راشدي ويتفل عليه الى ان نهاني..

فتحت عيوني ممصدگه من شفته سفط عند باب بيت عمي الجبير جبر "ابو قطرس" نزل مهرول وبيده السلاح موجه عليه مثل المجرمين فتح بابي وجرني من شعري الي خلص من العت..

-لا الله يخليك لتاخذني هناا الله يخليكككك

-امشييييي

رفسني برجله حتى امشي بس ماكدرت رجليه ما حملوني وكعت بمكاني ورفعني على ظهره مثل عادته، دفر باب الحوش ودخل تعده الحديقه وفتح باب البيت جان مقفول دفره عدة مرات برجله الى ان انكسر القفل وطب بحذائه للمطبخ شمرني بالنص وصاح بعلو صوته..

-اخذووووووهاااا من وجههههههي

غطيت وجهي من القهر والفشلة ابجي بحرگة گلب، هرولت ناحيتي باجي حور وكعدت بصفي لمتني بحضنهه وفاتحة عيونهه ممصدكة شصاير بحالي..

ما سمعت شنو حچو اذاني انسدت من الدم وعيوني ما اشوف بيهه، صارت هوسة وقوس يدور حولي وبيده السلاح وعمي يحجي بس ماعرف شديكول، صارو ناس تهد على ناس قطرس هجم على قوس وعمي يفاككهم الى ان هدأ الكل بعد جملة قوس من عاط..

-اخذووووهه من وجهههههي لا اذبححححههااا

-قطرس: شسوووت

-حبت مسسسسلم!!!

ما سمعت بعدهه غير الشهگات طلع قوس من البيت بعدما حچه هالجملة الحقيرة وتركني عند الوحش الثاني "عمي جبر"..

لزمني گطعني تگطع ملخني بالكتل نهاني ونهى اخر نفس بيه يعيط ويضربني بطريقة متوحشة ويصيح..

-خزززيتيننه كسرررتي وجوووهنه

من الصدمة ماحجيت شي ولا بررت سحلني عمي من شعري وصعدني فوك شمرني بالمخزن المظلم وقفل الباب عليه انهاريت وصرت ابجي بصوت مبحوح من العياط..

متت من وجع اصابعي احسهن وگعن حتى ماكدر الزمهن والدم ينزل من راسي لاذني لرقبتي لظهري.. باوعت لرجليه المجرحة اجيت حافيه وملابسي كلها تراب حاوطت روحي بأيد وضليت ابجي وحدي من الالم..

نزيت خايفه من انفتح باب المخزن شفت قطرس كبالي ابتسمت فرحانه توقعته راح يساعدني وچان يكسر فرحتي من جرني من شعري وضربني راشديات متتالية سواني ويه الكاع، وكعت على اصابعي شاطت روحي وصرت اصيح عافني وطلع بره المخزن..