[البارت الثامن والثلاثون]
#قزح_107
بقلمي: زهراء السلامي
لتنسون التصويت + التعليق بين الفقرات + متابعة لحسابي 🤍.
هَاي اخَر ايام السَنه ، و لهسه مَـآ حَبيتني!
Dec/23 💔
❥__________ ❥
ذبيت نفس مرتاح بمطار "برلين" عاصمة المانيا، ابتسمت متحمسة وباوعت لجهة عمي..
-جبر: ها عمو فرحانه
-اي متحمسة اشوف جوان
هز براسه مبتسم ومسح على راسي، من بعد الموقف الصار بيناتنه والكتله عمي تغير وكأن تندم على فعلته، بالطيارة حچه ويايه ونصحني السويته غلط وبعد ما اعيدهه حتى ارتاح وابتعد عن المشاكل..
-تأخرو وينهم
-جبر: جوان بالدوام كالت تطلع وتجينه
كعدت على واحد من الكراسي تعبت ورجلي رجعت شكلت نملت وصارت توجعني، فركتهه بيدي متألمة الى ان فكت شويه..
-جبر: اجيبلج شي دافي تشربي عمو؟
-لا ممشتهيه
بنفس الدقيقه اتصل قوس عليه مجاوبته لان يشرج عليه وعليّ هواي ورصيدي ميكفي، رحت اشتري شريحة من المطار وفعلت نت وراسلته احنه وصلنه..
-واني اكوووول شمس برلين طالعة اليوووم
اللتفتت على مصدر الصوت وچان اشوفهه كدامي واگفه وبسمتهه المعتادة مرسومة على وجهها..
-إيڤ: جوااان
ذبت روحهه تسلم على ابوهه ملهوفة واندارت تسلم عليه واكيد السلام ميخلو من مداهر جوان ومغامزهه..
-جوان: انتظرتوا هواي يروحي
-جبر: لا باباتي
-جوان: بابا حبيبي شلونك خوما تعبت بالسفره
-جبر: بشوفتج زين حبيبة ابوهه
حضنهه للمرة الثانيه وبقو يسولفون انتبهتلي جوان وجرتني حضنتني نص حضنه وركزت نظرهه على رقبتي لسه بيهه اثر خنگات قوس، عگدت حاجبهه وتسائلت..
-هاي شنو
-إيڤ: ولاشي انسي شلونچ ولج مشتاقين
-جوان: حچي هواي عندي امشو للبيت حتى ترتاحون
عمي ايدهه الفكرة وطلعنه من المطار ركبنه سيارتهه واخذتنه لبيتهه، اول ما دخلت للبيت كفخت بخشمي ريحة القهوة وعطر الفواكه خصوصاً ريحة الفراولة اي هذا مكان جوان..
-إيڤ: لو ما شامة هاي الريحة چان كلت هذا مو بيتج
-جوان: اوووي ولج مگزگزة عليج اريد اعضج
