قزح 107

البارت التاسع عشر

[البارت التاسع عشر]

#قزح_107

بقلمي: زهراء السلامي 🤍

لتنسون التصويت + التعليق بين الفقرات + متابعة لحسابي 🤍.

مالي قسمه بـ كُلشي چا ظلَت عليك 💔؟

❥__________ ❥

حضرت المشروبات ودنگت اجيب طاسة من الكاونتر
-إيڤ: بالطابق الثاني على ايدك اليمين

-ماندل تعاي وياي

طفر قطرس من مكانه ونتر..

-قطرس: انچب واكعد مكانك بيت الخلفك هو وكاعد تفتر

ماهتمله وطلع من الاستقبال، رحت وراه وقطرس جرني من ايدي..

-قطرس: وين رايحة

-إيڤ: ادلي غرفة قوس الله

-قطرس: جاي وياچ

سحبني من ايدي وصعدنه الدرج لگينه بهنام يدور عيونه بالبيت ويفر بإيده، انتبه لوجودنه وباوع لأيدي المتشابكة ويه ايد قطرس..

-بهنام: يا يسوع خلصنه

-إيڤ: هاي غرفة قوس الله

-بهنام: الي بابهه مزخرف؟

-قطرس: اتوقع واضح عليمن اشرت

-بهنام: يعني الي بابهه مزخرف غرفتج؟

ضليت ساكته مستغربه من تصرفاته، ضحك بصوت وراح يتمشى لغرفة قوس الله ويدندن..

-حبيبي مش حبيبي.. أنا إيه ده مش عارفة.. جرالي ما جرالي.. أنا مالي كده خايفة

عدل سترة قاطه واللتفت يوزع نظراته بين قطرس وبين ايدينه، ضحك ورجع يدندن..

-حبيبي مش حبيبي.. أنا إيه ده مش عارفة..

سحبت ايدي وصرت اباوع لقطرس وجهه انگلب احمر حسيته بعد حچايه من بهنام يطگ..

طرق بهنام باب غرفة قوس الله، وقوس عاط..

-روحوووو لا اطيح حظظظظكم

قهقه بهنام مستهزأ وفتح باب الغرفة بقى واگف بمكانه ثواني واذا نشوف قوس الله يطلع من غرفته وجهه مكلوب..

رخت ملامحه وهو يباوع لـ بهنام المبتسم تك خد..

-بهنام؟؟!

-بهنام: مشتاقين ضلعي اشوف وجهك متفح مبينه احوالك توب

فتح ايده وقوس الله چيت عليه يحضنه چان سلامهم حار وكله شوق وحب..

-قوس الله: بنص الخير اني

-بهنام: بشر تزوجت

-قوس الله: اي مرتي جوه تعال شوفهه

-بهنام: ههههههه شكد سافل

باوعت لقطرس الواگف مطنگر نزل عيونه عليه واشرلي ننزل بدون لا يحجي لكن صوت قوس الله قاطع نزولنه من صاح..