قزح 107

البارت الثالث عشر

[البارت الثالث عشر]

#قزح_107

بقلمي: زهراء السلامي 🤍

لتنسون التصويت + التعليق بين الفقرات + متابعة لحسابي 🤍.

أن يضَع على خاطري ورودًا ، ويُعاملني برفق ♥️.

❥__________ ❥

رخت ايده وخنست صوت انفاسه العالية، ابتعد عني خطوتين وهز راسه بطريقة يتوعد..

-إيڤ: قوس الله

رفع انظاره عليه مخنزر بلعت ريگي وسلمت امري هذا هو واضحه الكتله اليوم..

-إيڤ: اسفة ماقصد..

-اطلعي بره إيڤ

-هاا

-طلععععععععي بررررررررره

صرخهه بصوت فزز كل النايمين چانت اكو تحفية على الميز شالهه وشمرهه على الحايط، انجن وصار يرگع كل شي يشوفه گباله طلعت اركض من الغرفة وفتت لغرفتي واسمع صوت التكسير كالعادة وعياطه الي رج البيت چان يرن بأذني..

قفلت باب غرفتي وكعدت كارولين خايفه..

-كارولين: شصاير

-إيڤ: گلتله ماحبك مثل العادة

-كارولين: الرب يحمينه

-تعبت كارو

اشرتلي اروح على فراشهه، كعدت بجانبهه وحضنتني لصدرهه حجيت وبچيت هواي شكيت وحاولت اشرح معاناتي وهي تأيدني بهزة راس..

-كارولين: خلص حبيبتي اهدي مو زين البچي عليج

-راح يكتلني

-ميكتلج

-لا راح يكتلني اعرفه مينسى

-كارولين: إيڤ انتِ انطي فرصة

-انوب انتِ عليه كارولين!!!

-مو عليج بس حاولي على الاقل جربي

-ماكو شي اسمه تجربة بقاموس قوس الله اذا ابتسمله يكول تحبني واني ماريد اللعب بمشاعره

-وتبقين هيج يوميه مكتوله

-احسن مما اتزوج رجال رباني!!

-اويلي على الرباچ

سكتنه ثنينه ونمت بفراش كارولين هالليلة وفعلاً وره كم يوم ما نساهه قوس الله وعاركني عركة شكبرهه بصعوبة بيبي جرته عني قبل لا يكسر عظامي ويگطع النفس مني..

الخلاني اموت بهاليوم احمد چان عدنه وجاي حرملة هم چانو بالاستقبال وسمعوا عياطنه وسمعوا تهديد قوس الله وهو يكول "راح اتزوجچ غصباً على الكل"..

رحت لغرفتي دكيت، لطمت، انهاريت وكارو وجوان وعمة اخلاص چانو عندي بالغرفه..

-اخلاص: راح تبقين هيج اذا متقبلين بي يوميه كاتلج ويوميه مجنزچ