قزح 107

البارت الثاني عشر

[البارت الثاني عشر]

#قزح_107

بقلمي: زهراء السلامي 🤍

لتنسون التصويت + التعليق بين الفقرات + متابعة لحسابي 🤍.

بقالب هالبشر
الله حط عيون
وانت بقالبك
بدرين منطيلك

اذا دمعك نزل
بسرعة شك الليل
من ثوبه جزء
سواه منديلك

#هبوش

❥__________ ❥

فتحت حلگي من الشفته وفوراً وگفت على جهة گلبي ظل يدگ والمنظر ينعاد بعقلي، ديما بغرفة قوس الله حاضنته من رقبته ودتحاول تتوددله بطريقة جريئه!!

كممت حلگي بعدما سمعت المحاورة الدارت بيناتهم والصدمة محتلتني..

-ديما: قوس الله لخاطري لتروح والله محد يستاهل

-والله؟

-اي حباب اخاف عليك اني

-قوس الله: اولاً نزلي ايدج عني ثانياً ابتعدي خطوتين قبل لا اقضي عليج ثالثاً ادعبلي بره

-راح ابتعد بس تعرفني احبك كلش هواي بس انتَ تستمتع من تذلني وتشوفني احترگ من الغيره

-من منو تغارين؟

-ديما: من إيڤڤڤڤڤ منو غيرهه!!!!

-هاا هاي لانهه احلى واصغر منج؟

-شبيك انتَ!!!

-هسة غير نفتهم على شنو تغارين بالضبط

-لانك تحبهاااا رغم هي كارهتككك دتخليك تتعذب وتموت الف موته باليوم ونهايتهه مو الك

-هم رجعنه على هالخرط

-ديما: تره دتعذبك انتَ شبيككك

-يا حلاته العذاب لو منهه

-اخخخخخ لو بس اعرف بشنو هي احسن مني

-اوصلي لأظفر رجلهه تالي تعاي سولفي وياي

نزلت بسرعه بعدما حسيت بحركة صارت يجوز راح ينزل، رحت للمطبخ ولهيت روحي حضرت صحن فواكه لأحمد ياكله من يصحى..

ابتسمت منتصرة وفرحانه واني احضر الصحن، خلص لگيت الطريقة الراح اگدر اتخلص من حب قوس الي ماكو غير ديما!

تشتت افكاري بعدما دخل قوس المطبخ يدندن اغنية، حضني وباسني من راسي وكال..

-ديري بالج على نفسج بابا عود سوي كوكتيل موز وحليب وشوفان هذا زين يكبر بغداد

-اففف قوس الله!!!

-واكلي جوز وفول سوداني حتى تترمم الحلة

زفرت متعصبة منه غمزلي وضحك وراهه قرصني من خصري اموت من هالحركة وهو يعرف زين بس عناد بيه يسويهه يستمتع من يشوفني معصبه..