[البارت الخامس والعشرون]
#قزح_107
بقلمي: زهراء السلامي
لتنسون التصويت+ التعليق بين الفقرات+ متابعة لحسابي شبابزز 🫦🔥
عفية عيون، ما تنمل لو اشبع سفر بيهه
عفيه عيون، تعرفلي ما احتاج احاچيهه 💙
❥__________ ❥
"كارولين"
طلعت الصبح للدوام ركبت ويه السايق واتصل بيه اكرم الليل كله يتصل وما اجاوبه، طگت روحي وفتحت الخط جاوبني ملهوف..
-اكرم: كارولين وينج ليش اتصل ما تجاوبين
-كارولين: اسفه بس امي متقبل نحجي ويه بعض اله يصير شي رسمي
-اكرم: يصير والله يصير بس انتو انطوني موعد
-مو بيدي الموضوع
-اكرم: لعد بيدمن؟ والله طكت روحي
-خلي خاله تحاجي امي وتفتهم منهه
-كلما تتصل امي تكولون بعد وكت شنو بعد وكت شمنتظرين كارووووليييين
-ليش تصيح عليه اني شذنبي
-كارولين ماعندي صبر بعد اريد جواب نهائي قنعي امج
-كارولين: خلص وعد اقنعهه بس عرس ابن اخوية ارام اسبوع الجاي وملتهين وياه انطيني مجال هالكم يوم ولا تتصل
-خوش
سده بوجهي بدون ليودعني ضجت من تصرفه وبلعتهه وسكتت، نزلت للجامعة امشي واراجع بالماده عندي امتحان مهم.. امشي واحفظ ممركزه الى ان حسيت بشخص يسحبني من ايدي اللتفتت وجان بهنام..
-كارولين: بهنام؟
-بهنام: اريد احجي وياچ ممكن؟
-عندي امتحان هسة
-كملي واني منتظرج هنا
-يطول امتحاني ماريدك تبقى تنتظر هواي
ضحك مستهزأ وكعد على المسطبات، دخلت للقاعه واديت الامتحان طلعت بعد ساعتين ونص ارجف وابچي ما كفاني الوقت وميته خوف ماريد ارسب هواي تعبت بي..
بهنام چان كاعد بمكانه ينتظرني من شافني تقدم عليه ووجهه مرتبك وبيده كلاص عصير..
-بهنام: ليش تبجين كارو منو وياچ
-ما لحكت اكمل الامتحان واخاف ما انجح
-بهنام: ميخالف حبيبتي على شنو البجي انتِ شاطره راح تنجحين
انطاني العصير باوعتله بدون ما اخذه..
-بهنام: اشتريته جديد الج والله ما شارب منه
-لا مو هيج بس بعدني ارجف
-ميخالف تعالي وياي شربي العصير وارتاحي بسيارتي
