[البارت الثاني والعشرون]
#قزح_107
بقلمي: زهراء السلامي 🦋🙈
لتنسون التصويت + التعليق بين الفقرات + متابعة لحسابي 🤍.
سماء مليئة بالنجوم وهو ينظر اليها ♥️!
❥__________ ❥
يوم 10/7.. نور الواطية حبيبة احمد، لو اشرب من دمها ما ارتوي..
الساعة 10:07 مساءاً نايم بعمق وسمعت صوت يهمس بأذني فتحت عيوني مع تنهيده عميقه، مسحت عيوني من الدموع الخانتني واني اتذكر صوته من يحجي لليوم اتخيله وياي واسمع همساته بالمكان، اللقيت نظرة للساعة وذبيت نفس غمضت واجت براسي عيونهه جفاني النوم بقت ببالي تمنيت اتصل بس ماردت انذل اكثر كافي بُعدهه عني ونفورهه..
سحبت السلسال الي برقبتي وباوعت لصورتهه رسمت قصة ببالي وقررت انفذهه شمسي الي، لو هي لو هي ماكو خيار ثاني..
طلعت موبايلي ودخلت على الانستكرام شفتهه ناشره ستوري گلبي نبض بقوة فتحت حسابهه وشفتهه ناشره عيونهه ويه اغنية اجنبية هادئه، روحي لابت احترگت حرگ بس ماكدرت اراسلهه لازم اتحكم بأعصابي وامشي بنصيحة احمد..
غمضت عيوني وحاولت انام وفعلاً رحت بعالم ثاني وزارني صاحبي حمد بالحلم فزيت وللاسف ماتذكر شي من الحلم بس گلبي انقمت واجت براسي بت الكلب نور اليوم اله اشرب من دمهه وانعل ابوهه على امهه..
طفرت من مكاني وحرملة يحاچيني وبالي يمهه اليوم لازم اقضي عليهه وارتاح، بعد موت احمد شكد اذيت وهشمت وكسرت وذبحت ما انكر سويت مجازر شنيعة كل الموجودين يشهدولي واسمعهم بأذني وهمه يتهامسون ويه بعض واكو منهم خافو مني بس ماهتميت ردت يرتاح گلبي وابرد بس ما بردت بالعكس صار عندي تعطش لهلجرائم ردت اقضي على الكل خاطر يرجع حمد بس راح حمد وراحت حلاوة الدنيا وياه شيرجعه اخوي..
اليوم 10/7 وقت نزولنه ركبت سيارتي وحسين وياي توجهت لمحافظة احمد، سقت بأقصى سرعة ردت اطير واوصللهه حتى اذبحهه بأيدي وادفنهه ببيتهه..
ركنت السيارة گبال بيتهه وحذرت حسين على النزول مهما يصير، باب حوشهم سلايد فتحتهه بسهولة ودخلت لحديقتهم المتواضعه جربت حظي وفتحت باب المطبخ هم چانت مفتوحة..
طبيت ببسطالي تعمدت اسوي اثر بالگاع ردت انهيهه چانت بيدي جگارة طافية شعلتهه لثواني ومردتهه وحطيتهه بماعون صغير وره سلة المواعين..
چانت براسي خطه مدبره وقررت انفذهه مهما كانت الظروف، دخلت للصالة دورت بعيوني مالهه اثر كعدت على القنفة انتظرهه ادري بيهه موجودة وما طالعة ماخذ معلومات كامله عنهه..
طلعت عطر من جيبي رشيته على جسمي ورشيت بالجو، ابتسمت منتصر من سمعت صوت خطواتهه التعبانه تنزل من الدرج وبيدهه سلة ملابس، رفعت عيوني اباوعلهه مانتبهت لوجودي چانت تتنهد بتعب وتدندن..
