قزح 107

البارت الثالث والعشرون

[البارت الثالث والعشرون]

#قزح_107

بقلمي: زهراء السلامي 🦋

عوضناكم ببرتوت طويل 😎 لتنسون التصويت + التعليق بين الفقرات + متابعة لحسابي 🤍.

من شفتك شفت روحي بلا مرايه
ولگيتك تشبه البيه وحيد وحزنك ولايه ♥️

مصطفى الخزاعي

(مقصووووده واحزرو يمثل منو هالشعر 😎؟)

❥__________ ❥

محاوطين طاولة زجاجية كبيرة متوسطة الصاله الفخمة، بهنام وكارولين گدامي، قوس الله على يميني وجوان على يساري والباقين محتلين بقية الكراسي المحيطة بالطاولة..

-بهنام: شنو رأيكم نجيب مشروبات؟

-قوس الله: بالنسبه الي اريد

-جوان: شباب اتفقنه محد يسكر رجاءً

-لندا: اي لان من تسكرون تسوون مصايب واحنه نخاف على ارواحنه

ضرب بهنام كتف اخته لندا وكال بضحك..

-بهنام: افاا تخافين واني بظهرج

-لندا: مو هيج حبيبي اقصد تفقدون جميع الحواس ومنريد هالشي احنه

-اخلاص: ام بهنام تعالي نشرب قهوة ونسولف شعدنه كاعدين ويه المزعطة

-قوس الله: شكراً يمة

-اخلاص: ديلا عاد

كامت عمة اخلاص ويه ام بهنام وراحو يكعدون بالصالة الثانيه بقينه احنه الشباب وسوزان ويانه چان وضعهه مو طبيعي والتلفون بيدهه عرفتهه تتصل بأبويه وميجاوبهه..

-لندا: شتحبون تسمعون؟ اني عاجبني اجنبي

اتفقنه كلنه على الاجنبي وفتحت الديجي لندا الصوت عالي كلش واجواء البيت توحي كأن كاعدين بديسكو، جوان ضحكت وتقربت مني تهمس..

-خاف بنفسج ترحين لديسكو هذا بهنام عايش بواحد

-إيڤ: جوان لزمي روحج مو ترگصين وتخزينه تخلين المخازر ماله والي

-جوان: ما ارگص شبيچ

گام بهنام يجيب مشروبات وقدملنه عصاير وسوزان جانت كاعده وتتمايل على الخفيف وقوس يباوعلهه ويضحك وهي تضربه على كتفه وتضحك خجلانه..

-بهنام: تره ماكو احد غريب سوزان اخذي راحتج حبيبي

-سوزان: هاا شو صارت حبيبي ولك بهنام لا تتحارش

-بهنام: اسفين عيوني بس متعود كل صديقاتي حبيباتي

-ارام: گو** باب اول

ما اهتمت سوزان وكومت كارولين ترگصهه على الخفيف بس كارو خجوله وبقت بمكانهه مبتسمه، قوس الله راح للمطبخ اجتله مكالمة مهمة وبهنام راح يغير الموسيقى وعيوني على لندا سوت روحهه تسولف ويه كارو وفجأة دفعتهه على بهنام..