قزح 107

البارت الخامس والثلاثون

[البارت الخامس والثلاثون]

#قزح_107

بقلمي: زهراء السلامي

لتنسون التصويت + التعليق بين الفقرات + متابعة لحسابي 🤍.

شعَرت بمليون سگين بقلبي في ثانية فقط .❗️

❥__________ ❥

-استهدي بالرحمن يمعود

-حسمت قراري هذا هو

-قزح لا تستعجل انتَ مو گايللهه انتو اصدقاء بعد شيبة ابوي!

-يا اصدقاء مو شگتني نصين

-حسين: هاي ضريبة الحب خوية

-راح اتزوجهه كافي كبرت

-هو بكيفك غير هي توافق

-اقنعهه

-حسين: چان قنعتهه كل هالسنين على كيفك وياهه

-راسي راح يطگ

-كايم اجيبلك عشه ولا تستعجل انتَ بكلشي حذر وتخطط شبيك وياهه تركض ركض

ما جاوبني تركته وحده وكمت اوصي امي على العشه، قوس الله هالفترة تفكيره مشوش وجاي احس بي، هو الشخص الوحيد الي اشاركه كلشي يخص حياتي وهو همات..

-يوم العشه وين شو تأخر

-ام حسين: ياهو هنا ولك

-صاحبي

-چا ما تحجي ما مسويه عشه

-چا شناكل

-هسة احمسلكم طماطة بالبصل اكلوهه وسكتو شني طلابه

-بمةة تردين تخزيني گدامه چا صارلج سنتين مگابله منال العالم وكاعده كلشي ما شفنه!

-وعلي رجيلاتي توجعني شسوي

-يا بعد گلبي يا يمة چان حچيتي على الاقل اجيب من بره وما اتفشل كدام الزلمة

-روح جيب كباب وليدي واني ادفع الفلوس

-ههههه هو على الفلوس يوم يله راح اوصي روحي ارتاحي انتِ

رجعت لقوس الله بعدما وصيت لگيته كاعد وعاگد حاجبه..

-وجهه ما يگصه الطبر

-اني راجع لبغداد

-لا ولك وين وصيت اكل تره انتَ تخسره

-مستعجل عندي شغل

-دكعد يمعود العمر يخلص والشغل ما يخلص، صدك اليوم مو عرس بنت خالك؟

-اي

-چا شكو مگابلني وكاعد

-وشعندي هناك وياهم أحني العروس

-خوب اجليهه فرد نوب قوس صاير انتَ مستفز لدرجة لا تطاق

-اممم

-خايب ممل ممل صاير ما متعود هيج اني

-ام حسين: هاي شني هذا المسودن يمنه