#قزح_107
بقلمي: زهراء السلامي
لتنسون التصويت + التعليق بين الفقرات + متابعة لحسابي 🤍.
چنت أظنك توگف أبوجه الوكت
وتنشف الدمعة أبجفنها..!
❥__________ ❥
-راح تموت
-حسين: قوس صلي على محمد يمعود شبيك مفاول
-الدكتور كال راح تموت گلبهه ما يتحمل
-وشلون هسة؟
-ما خليت شي يعتب عليه ما ترضى تنزله
-حسين: هاي التايهات الما محسبلهن
دار وجهه عني وغطه عيونه مكسور، اوقات نتصرف تصرفات متهورة ما مدروسه ولا مخطط الهه بلحظة ضعف ببال مشوش بلحظة انهيار وهذا التصرف ممكن يكلفنه عمرنه او عمر الي نحبه وهذا بالضبط الي صار ويه قزح..
-حسين: رايح اجيب چاي
-ماريد
-اني اريد
طلعت بره خلي يكعد ويه نفسه شوي ويتوصل لنتيجة، إيڤ لازم تجهض الطفل انصدمت من عرفتهه حامل بهذا الوقت بالتحديد وهمه فقط مخطوبين، كل الصار چان سريع تعبت فجأة وغابت عن الوعي چنت ببيت قوس من نقلناهه للمستشفى ودكتورهه كال بالضبط..
إيڤ حالتهه صعبة ووضعهه تعبان ممنوع تحمل وهي مريضة بالقلب واذا بقت مصرة على الطفل تتنازل عن حياتهه وهو يعيش بدالهه..
من هذاك اليوم لليوم قوس ما رجع طبيعي عصبي يلفح نار يگب بوجه أي واحد يحچي وياه عجز وهو يقنعهه تنزله والغريب حسب مافهمت هي ما مقتنعه بالطفل ليش مصرة تجيبه؟.. (الناقله روعه الطائي)
جبت صينية الچاي وحطيتهه گدامه، مسح عيونه بساع بس شافني هذا حاله من ذاك اليوم لليوم..
-حسين: بالعباس ما يصير هيج خوية كلشي واله حل
-الا هاي
-قزح خليني اكون صريح وياك انتَ غلطت وياهه وهاي نتيجة غلطتك ربك جاي يعاقبك عليهه
-ليش بيهه!! ماريد اتعاقب بيهه اتحمل كلشي بس ما تموت تبقى يمي حتى لو اباوعلهه من بعيد لبعيد
-عندي فكرة
-شنو
-تقنعهه تنزله بس تعوفهه انتَ
-شلون يعني؟
-تفسخ خطوبتك وياهه اكيد راح ترضى
-ياكلوهه
-ياهو؟
-إيڤ ياكلوهه عمامهه وابوهه محد يعوفهه بحالهه
-وانت عود مسوي عليهه فضل من تتزوجهه؟!
-لا مو فضل اني احبهه واريدهه ولك اتمناهه بروحي وحق الله
-چا شون هسة
