قزح 107

البارت التاسع والثلاثون

#قزح_107
بارت٣٩
بقلمي: زهراء السلامي

لتنسون التصويت + التعليق بين الفقرات + متابعة لحسابي 🤍.

مثلهُم تنگلُب ضَدي
عِفت شَمسي وضواهَا
ورِحت لأجل شموع
يَا شمعة لتنور دربَك بگدي؟ 🥺

❥__________ ❥

دخلت ع الرسالة ارجف ماعرف شنو اجاوب ضليت محتارة من الخوف چفصت وكتبت..

"شتريد مني عوفني بحالي معليك بيه"

مچنت اعرف اني جبت نهايتي بهاي الجملة، واعترف تهورت وتصرفت بغباء هاي الجملة بالتحديد ثبتت ان كل الموضوع الصار من راسي ومتفقه عليه..

ردلي بسرعة برسالة جمدت اطرافي وشلتهم عن الحركة، كاتب..

"اي اضحكي على روحج إيڤ اذا ما ربيتج من جديد واطلع قهر هاي السنين كلهه بيج اموتج وارجع احييچ بيدي بس اصبري اني انطيتج مجال صرتي گح***"

صفنت بكلامه وچنت متأكدة كل كلمة كتبهه راح يطبقهه، كتب بعدهه كلام هووواي، غلط وفشار وسب عليه وعلى روحه وعلى منتظر ذبيت التلفون وركضت للحمام وكعت على التواليت وصرت اتقيء..

اجتني جوان تهرول سمعت صوتي كعدت بصفي وتوخر شعري عن وجهي، كمت اغسل وجهي بصعوبه وقلبي مردني مرد من الالم احس جرح العمليه انفتح من وره ركضتي..

-جوان: إيڤ شصاير شبيچ

-راح يموتني اني ادري راح يقتلني

-منووو

-قوس يهددني جوان شصاير فهميني حبابه

اشرتلي نروح للغرفه خلتني اتمدد ونصحتني بعدم الحركة، زفرت نفس عميق وكالت..

-صارت مشكلة جبيره إيڤ كلش جبيره

-شنو صار فهميني

كل هالكلام وتلفوني يرج بالاشعارات والمكالمات من قوس موتني خلال دقايق ومن جوان قرت الكلام ماتت ويايه وصارت ترجف..

-جاوبي إيڤا جاوبي

-لا لا ماكدر اخاف

-ولج منتظر داز اهله حتى يخطبوج

-شنو!!

-وصايره عركة جبيرة وسيماء طاردتهم وقوس الله من افتهم راح هداده على منتظر زوعه العافيه

-قتله؟

-امي تكول ذبحه بس مادري امي مبالغة بالكلام لو فعلاً سواهه

-اتصلي بقطرس خلينه نفتهم

-اي خوش فكرة

اتصلت كم مرة وميجاوب الى ان رد صوته تعبان ويحجي گوة تخيلناه چان نايم..

-جوان: قطرس من الاخير فهمنه شنو صار من منتظر خطب إيڤ؟

-قطرس: ما جنت بالبيت