قزح 107

البارت الرابع وثلاثون

[البارت الرابع والثلاثون]

#قزح_107

بقلمي: زهراء السلامي

لتنسون التصويت + التعليق بين الفقرات + متابعة لحسابي 🤍.

بس وياك .
أخضر وأنعشكّ وأنشم
و أذبلَ
ويَه غيرك ماصرت بسّتان
أصيرن طِين و أتلثم. 🤤♥️

❥__________ ❥

-ادلر: خطابة خطابةةة

-إيڤ: شنو منو المن؟؟

-ادلر: ولكم خطابةةةةةةة

هفته سيماء بنعالهه وعضت على اصبعهه ونترت بهمس..

-وسمممم وزقنبوت ببطنك فضحتنه

-ادلر: ولج طاگنه الجفاف نريد حفلة شي منا مناك نريد نردح تكسحنه من الگعده

-سيماء: وتردح بعرس بنيه اهمداك واهمده امك العوبه

-باجي ميس: عمة شعليه اني كلشي ولاطشيني

-سيماء: كافي انچبو.. تعالي ولج يالصفرة جيبيلي المشط من الغرفة

-إيڤ: شعرج عدل بيبي

-سيماء: ميخالف جيبي وانتِ المسويه روحهه اجنبيه جيبيلي قلم حمرة مو الوردي جيبي البيجي فشلة

-جوان: هسة غير نفتهم منو ذوله

-سيماء: شعليج امشي ولي جيبي الحمرة وفد مرة الكحلة وبعد شنو تعالي انتِ كارو

-كارولين: ها ماما

-سيماء: لا انتِ فاهية ما تدبريهه إيڤ ركض صعدي جيبي نفنوفي البني من الكنتور الفوك

-جوان: تخيلو جايين خطابة على إيڤ لكم هلااا راح تصير بالنعععل

-ادلر: منو هذا الما رايد روحه ويجي يخطب صفرتنه

-سيماء: امشو امشوو انتشرووو

-باجي ميس: اول مرة اشوف خطابة يجون بالتسعة بالليل تعال ولك ادلر شمعرفك خطابة ذوله؟

-ادلر: شفت ابنهم صاك ولابس قاط

-لندا: هههااايي مبارك عرسج إيوڤة

صعدت اجيب فستان بيبي وعفتهم جوه يركصون على شنو مادري بكيفهم ألفو قصة خطبوني وزوجوني شويه ويسووني حامل..

جبت فستان سيماء ورحت للغرفة يم البنات چانت فارغه وينهم ذوله.. طلعت ادورهن ودخلت للكليدور اشوف الامة العربية متجمهرة يم باب الاستقبال ومادين اذاناتهم يتسمعون..

-إيڤ: هاي شكو

-اخلاص: هششش خلينه نسمع

-جوان: بنات شو كلشي ماسمع

-باجي حور: شنو ذوله نايمين شو خنسة

-كارولين: يمكن بعدهم خجلانين