قزح 107

البارت الواحد والاربعون

[البارت الواحد والاربعون]

#قزح_107

بقلمي: زهراء السلامي

لتنسون التصويت + التعليق بين الفقرات + متابعة لحسابي 🤍.

لبست اثياب حزني وحيل مجروح
وانت ابفرح عايش وابسعادة
تعيش اوياي لو فتحت العيون
وسلوتي من احط راسي اعل الوسادة
اتحمل الم واصبر ولا اكول
والونة اصبحت لكليبي عادة
تعيش ابفرحتك واعلي الهموم
واحبك خاف اجذب للعبادة
المهم مو باليكول ابيوم حبيت
اليحب مايكطع ويحفظ وداده 💔

❥__________ ❥

-بنين: إيڤ بعد ماكو مهرب خلص انطيتي الموافقه وانتهى الموضوع.. لازم تتأقلمين ويه الوضع ولا تظلين تبچين البچي ميفيد ان شاء الله بعد زواجكم كلشي يتغير بس انطي مجال

-اووف

-كافي حبي هاي الدنيا لو تحصلين التردي لو تظلين تگدين حتى تحصلي وهم ما تحصلي بالنهاية

-ماريد شي بس ارتاح

-حظنه ميتحمل راحة خيه

-بنين بعدين نسولف دا اسمع صوت من بره

-يله باي عوبه

سديته وياهه وضميت الموبايل ودموعي عشرة عشرة مدا اكدر اوگفهن، اشتاقيت لصديقتي يقين وكلش احتاجيتهه بس اخاف انزل واتس اب وقوس يحس بما ان يقين ماعدهه انستا..

ماكو شي يتردد ببالي غير فكرة وحده انهي حياتي واخلص من قوس الله ومن عذابه.. افتريت بالغرفة ادور على شي حاد اجرح روحي بي بلكت انزف الى ان اموت واخلص..

بحوشت بالغرفة وما لكيت شي رحت على عطوري ماكو زجاجيات ماعندي فكرت اكسر المراية بس اكيد يسمعون ردت انزل جوه وخفت يشوفوني ماعندي غير المخدة هسة..

اخذتهه وحصرت وجهي بيهه ردت اقطع النفس كلشي اتحمل بس بعدوني عن قزح ماريده وماريد اعيش جوه رحمته.. خنگت روحي فتره بس مجرد ما حسيت ضاق عندي النفس وخرتهه عن وجهي وانهاريت بالبچي شلوون اكدر اقتل نفسي واخلص؟؟

كمت حتى اطلع ادور على شي يفيدني بغرفة قوس وانفتحت باب غرفتي چان هو الشيطان واكف يباوعلي تقرب مني مبتسم وكال..

-اخيراً صرتيلي

-وخر عن وجهي

-فرحتي ما انطيهه لمخلوق يخلق بعد تعب وصبر سنييييين صرتي الي شمسي

-كتلك وخرر عني!!

-تردين تنزلين تشوفين ابوچ وتشكيله؟ تره ابوچ ما يريدچ وكال اخذهه بملابسهه منريد شي منك ولا توصلهه لبيتي

من القهر ماتحملت اجيت وتفلت بوجهه، احتقن وجهه معصب وانطاني راشدي وشالني شمرني على الفراش وطلع وقفل الباب وراه..