[البارت العشرون]
#قزح_107
بقلمي: زهراء السلامي 💛
لتنسون التصويت + التعليق بين الفقرات + متابعة لحسابي 🤍.
هاي صار شچم حِزن
ما شايف عيونچ
لا گاعد كبالچ حلم
، لا أعرف شلونچ
مريتي مـن طرف الگلب
واتذكرت عمري شما أعيشه
عمري يظل نقص چي عايش بدونچ ! 🥹♥️
❥__________ ❥
-هششش صيري حبابه ولا تطلعين صوت
-شتسوي بغرفتي شلون دخلت بدون لا تطلع صوت!
-مو وكتهه هسة تعالي بره اسولف وياچ ما ارتاح ادخل بغرفة بنيه
طلعت وراه للصاله الفوگ گعدنه على القنفات وهو ذب نفس وگال..
-بهنام: إيڤ ليش راح ترجعين لبيت ابوج؟
-لان من البدايه المفروض اعيش عنده
-بهنام: افتهم.. بس انتِ تعرفين ردة فعل قوس الله بخصوص هالموضوع ليش تأذي بروحتج؟
-هو گال روحي ما سمعته حچه گدامهم
-گوة عليه روحي شوفي وضعه شويه وينفجر
-هو دزك تحاچيني صح؟
-شنو تستفادين اذا عرفتي؟
-ميهمني، ماريد ابقى هنا وچنت انتظر اليوم الي ابويه يجي ويرجعني لبيته
-ماشي رجعي لبيته بس شنو رأيچ وراهه نجي لبيت ابوچ خطابة؟
حچاهه مبتسم وعلامات التوتر مرسومة على وجهه، استغربت كلامه وتسائلت..
-شنو خطابة المن؟
-نخطبچ لقوس الله وتعيشون هنا
-انتَ صدك تحجي من كل عقلك؟
-اي، سمعيني للاخير.. عيوني تنخطبون بالبدايه بس خطوبه انتِ تتعلمين عليه وتحبي بمرور الايام وتعيشين كأي بنيه ببيت حلو وجديد ويجيچ كل التردي اساساً قوس الله ناوي يشتري بيت وتگعدون بي بس انتِ وياه وسيماء وكارولين
-بهنام انتَ هم مثلهم!!
-مو مثلهم، سمعيني بنيتي اني لو متزوج چان بنتي بكبرچ هسة سمعي النصيحة مني ومتندمين
-وقوس الله لو متزوج من وكت چان هم اني بكبر بنته هسة!
-لا مو لهدرجة
-المهم هو اكبر مني بكومة وفوگ هذا هو رباني وكبرني بهنام مجرد التفكير بالموضوع يلعب النفس شلون لو صارت صدك
-اخذيهه نصيحة مني اذا فوتي واحد مثل قوس الله انتِ اكبر غبيه
-والسبب؟؟
-لانه رجال تحلم بي اغلب البنات لچ بابا فلوس قوس عنده وشخصية وسلطة
-متهمني الفلوس واساساً ممحتاجة ابويه ممشيلي راتب من عمري 13 سنه يكفيني وزيادة وعندي بيت ابويه ضامنه الي وقطعة ارض هم بالجديد اشتراهه الي ما انكر قوس صرف عليه واهتم بيه وقصر على نفسه لخاطري من اجيته لليوم ورغم عندي راتب بس ميقبل اصرف منه واني ممنونه منه وابقى اتشكره لآخر يوم بعمري بس بهنام لتخلي الفلوس حجة تخليني اقبل بي
