قزح 107

البارت السادس والخمسون

#قزح_107....#بارت٥٦

بقلمي: زهراء السلامي

لتنسون التصويت + التعليق بين الفقرات + متابعة لحسابي 🤍.

شيء يُغرق غير البحر؟
-عيونها ♥️

❥__________ ❥
-قوس مو اني احبك

ماعرف شلون طلعت من حلگي شنو هالزلة الي مستحيل اكدر ارگعهه، جريت كذلتي وره اذني وكملت جوه نظرات عيونه المفتوحة على وسعهه من الصدمة..

-إيڤ: يعني احنه صارلنه سبعة اشهر متزوجين.. واني.. اني چنت من قبل احبك كـ صديقي والي رباني و.. ويعني هسة تزوجنه وعقلي تخربط و.. وشسمه..

-شگلتي؟

-ماعرف

-عيدي الگلتي قبل شويه

-احنه صارلنه سبعة اشهر متزوجين و..

-لا لا لا القبلهه
-هااا

-شگلتي قبلهه إيڤ

نهض بسرعه مني وجرني جر خلاني اكعد مقابيله بالضبط، ميفصلنه غير كم سانتيم توترت من الوضع ومن القرب المو طبيعي المحرج وتلبكت الكلمات بحلگي..

-شگلتي يروحي

درت وجهي عنه حتى منصير عين بعين وغمضت عيوني بقوة وهمست..
-احبك

-تحبيني؟؟؟؟

-امم
-ولج احجييي

-اي

-إيڤ باعيلي

-ماريد
-يله إيڤ

-ما
-بس نظرة وحدة وكوليهه اريد اصدك يلةةة

-ما
جر وجهي حصره بين ايده حتى برومانسيته عنيف شلون بيه، عيونه راح تلتهمني من الرغبة والفضول صابتني الفهاوة من صرنه عين بعين وهمست بصوت راخي هادئ..
-احبك حبيبي

طولت بيناتنه النظرات وشفت دموع بعيونه تأذيت على منظره جبينه صار يتعرق ونفض راسه ممصدك عصر عيونه الي خانته ونزلت دموعهه ماتحملت اشوفه هيج وكملت..

-قوس الله شبيك ضجت مني؟ معقوله؟

-لا لا
-لعد شبيك ليش درت وجهي عني
-مامصدك ههههه مامصدك وربي تحبيني شمسي يعني ما تقشمريني

رجع سحب وجهي ناحيته ويحجي بلهفة يضحك وعيونه تنزل دموع بنفس الوقت ضحكت وياه وهزيت راسي مأيدته..

-اي احبك وهواي هم

-يا فرحة گلبي يا تعب سنينيي يا جَنتي ونجمتي

حضني بلهفة بحب بأشتياق ورغبة قوية، بادلته الحضن ولأول مرة اكون مرتاحة بين ايده وفرحانه.. الليل كله قضاه امسيات شعريه وغزلية صافنه عليه وعلى تحركاته المتحمسة وفجأة يرجع يتقرب مني ويهمس بقلق..

-صدك تحبيني؟

-اي
-هذا هو يعني تحبيني؟؟

-اي والله
-ما جاي اصدك فرحااان إيڤ وحق الحق فرحان